Muninn - 01.05.1963, Blaðsíða 27

„Starfsval — Hvað viltu verða“
í vetur kom út hjá ísafoldarprentsmiðju
aukin og endurbætt útgáfa af bókinni
„Hvað viltu verða“, sem Ólafur Gunnars-
son, sálfræðingur hefur tekið saman. Bókin
er einkum ætluð unglingum, sem hafa lok-
ið skyldunámi, en þó er í henni að finna
upplýsingar, sem verðandi stúdentum mega
koma að gagni. Þar er að finna upplýsingar
um 14 greinar háskólanáms. I inngangsorð-
um getur höfundur þess, hverjir hafi lagt
sér lið við samningu kaflans um háskóla-
nám, og farast honum orð á þessa leið:
„Kaflinn um guðfræði er skrifaður af
Jóhanni Hannessyni, prófessor. Um lyfja-
fræði rita Jón O. Edwald, cand. pharm. Urn
læknisfræði er fjallað í náinni samvinnu við
Arinbjörn Kolbeinsson, formann Læknafé-
lags Reykjavíkur og kennara við Háskóla
íslands. Jón Sigtryggsson, prófessor, skrifar
um tannlækningar. Magnús Þ. Torfason,
prófessor, skrifar kaflann um lögfræði. Hen-
rik Guðmundsson, efnaverkfræðingur,
framkvæmdastjóri Verkfræðingafélags ís-
lands, skrifar um verkfræði. Flosi Sigurðs-
son, veðufræðingur, hefur samið kaflann
um veðurfræði. Jón Jónsson, forstjóri, skrif-
ar kaflann um hafrannsóknir. Um búvís-
indi skrifar Ólafur Stefánsson, ráðunautur.
Urn dýrafræði skrifar dr. Finnur Guð-
mundsson. Um jurtafræði skrifar Eyþór
Einarsson, magister. Um jarðfræði skrifa
doktorarnir Guðmundur Sisfvaldason os:
Þorleifur Einarsson. Um eðlisfræði skrifar
Þorbjörn Sigurgeirsson, prófessor, en um
utanríkisþjónustu Agnar Kl. Jónsson, ráðu-
neytisstjóri."
Enda þótt ýmsar greinar vanti enn í
þennan kafla um háskólanám, er þó ærin
ástæða til að fagna því, að þessi fróðleikur
hefur verið dreginn saman á einn stað, og
ættu sem flestir menntlingar að kynna sér
þetta kver. Fjölbreytni þjóðfélagsins fer sí-
fellt vaxandi og þar með vandinn að velja.
„Lágmarksþekking þess, sem ætlar að velja
ævistarf, ætti að vera: Um hvaða störf er
hægt að velja í þjóðfélaginu, og hvernig
samræmast hæfileikar þess, sem þarf að
velja, hinum einstöku störfum —Kverið
„Starfsval. — Hvað viltu verða“, veitir
grundvallarfræðslu um starfsgreinar þjóð-
félagsins, og enda þótt fleiri og flóknari
þættir séu að verki, er lífsstarf er valið, en
gera megi grein fyrir í 190 bls. pésa, þá rýrir
það ekki gildi ritsins.
R.
SKÍÐAMÓT M. A.
Þann 21 .apríl gekkst skíðanefnd í. M. A. fyrir
keppni í svigi í Hlíðarfjalli við Akureyri.
Keppni var þannig háttað, að hún var hvort
tveggja í senn, einstaklingskeppni og sveita-
keppni milli bekkja. Var mótið hið skemmtileg-
asta og keppni hörð, sérstaklega var spennandi
keppni sveita úr VI. og IV. bekk, en VI. bekkur
sigraði naumlega.
Fyrstu menn í einstaklingskeppni urðu:
Guðmundur Tulinius VI. 82.3
Björn Bjarnason VI. 83.2
Stefán Ásgrímsson III. 83.3
Urslit í sveitakeppni:
VI. bekkur 357.0
IV. bekkur 360.4
í sveit VI. bekkjar voru: Guðmundur Tulinius. Björn Bjarnason. Indriði Jóhannsson. Ingimundur Árnason.
MUNINN 107