Muninn - 01.11.1977, Blaðsíða 4
Orð er til alls fyrst
Muninn hálfrar aldar
Mikil alvara og mikill áhugi hefur lengi lýst sér í
skrifum MUNINS, skólablaðs Menntaskólans á
Akureyri. Margur, sem nú hefur haslað sér völl í
stjórnmálum, bókmenntum og listum á íslandi,
steig fyrstu skref á ritferli sínum í Munin, og þótt
sumir þeirra hafi síðar sett ljós sitt undir mæliker,
hafa þeir fengist við þá íþrótt, sem veitir meiri
þroska en önnur störf: að skýra hugsanir sinar í rit-
uðum orðum, hvort heldur um er að ræða hreinan
skáldskap, aðfinnslur og umvandanir eða umræður
um þjóðmál og stjórnmál, og orð er til alls fyrst.
Hlutverk skólablaðs er einkar mikilsvert. Slíkt
blað stuðlar að hispurslausum samskiptum milli
manna og skipulegum og skynsamlegum umræðum
um dægurmál og ágreiningsefni. Stofnendur blaðs-
ins segja líka í greinargerð með reglugerð fyrir
„skólafjelagsblaðið MUNIN“ að það eigi að vera
„einn þátturinn í fjelagslífi skólans, brúin yfir tor-
tryggnislindir þær, er líða kunna milli bekkja og
einstaklinga innan skólans." Ekki er síður mikils-
vert, að á þessum vettvangi hafa skáld og spekingar,
sem margir eru á þessum aldri, guði sé lof, látið ljós
sitt skína.
Ekki er unnt að telja upp alla þá menn, sem lagt
hafa hönd að miklu verki nemenda við MUNIN,
en það er glæsilegur hópur. Þó leyfi ég mér að nefna
eitt nafn úr þeim hópi, er drýgstan skerf lagði af
mörkum, Jregar nokkrir sveitamenn við afskekktan
skóla á mörkum hins byggilega heims tóku að gefa
út fjölritað blað fyrir hálfri öld og birtu þar skáld-
skap sinn og greinar um heimspeki og stjórnmál:
Karl ísfeld, skáld og rithöfund. Karl ísfeld, sem nú
er látinn, mun hafa verið aðalhvatamaður að stofn-
un MUNINS og hann var ritstjóri fyrstu tvö árin.
Þar var enginn ankvisi á ferð, gáfaður maður og
glaðsinna, og Jreir liafa margir verið.
Þótt efni MUNINS hafi að sjálfsögðu verið mis-
jafnt að vöxtum og gæðum, eins og eðlilegt er, liefur
það gegnt vel mikilsverðu hlutverki sínu í Mennta-
skólanum á Akureyri í hálfa öld. Fyrir hönd skólans
vil ég leyfa mér að Jrakka hinum mörgu, sem gert
hafa blaðið svipmikið og eftirminnilegt í félagslífi
skólans og stuðlað hafa að því, að skólinn rækti hlut-
verk sitt, og ég vil óska þess, að það megi um ókomin
ár flytja Imgsanir nemenda og boðskap um bætt
kjör og réttlátan heim af einurð og með festu, þar
sem gætt er virðingar og mannhelgi.
Tryggvi Gíslason.
<Í^>^k$k$kSk$>^>^<^«kM>^<SkSkSkÍxSxS^^kÍx$x$xSxS>^kS^kS>«kí>^kSx$xS>^^><$kSk$k$xÍ>^>«>^xM^>^k^kíkíkíkí>^xSxSx^x$^><SkSkSx^x^kí
2 Muninn 50 ára