Muninn

Árgangur

Muninn - 25.10.1971, Blaðsíða 1

Muninn - 25.10.1971, Blaðsíða 1
ADFARAORÐ (nouðsynleg) FRAMVEGIS mun ég hafa þann hátt á, að skipa einhvern ritstjóra, í stað mín, yfir Litlamuninn. Geri ég þetta í tvennum tilgangi: Til þess að dreifa áhrifum og álagi, og til að gefa fleirum innsýn í hið skemmtilega hlutverk ritstjórans. Ég verð hins vegar e. k. framkvæmdastjóri (eða stýrimaður) við blaðið, og ritstjóri hefð- bundna formsins, einsog lög gera ráð fyrir. Þeir er áttu verulegan þátt í gerð þessa blaðs voru: Eiki, Tóti Matt., Sumarliði, Bjössi Garð- ars., Þröstur, Maggi og ég. Um auglýsingarnar sá (að mestu) Björgvin Þorsteinsson (Bjöggi) og hefur hann tekið að sér að vera auglýsingastjóri blaðsins í vetur. Ábyrgðarmaður þessa blaðs, eins og hins fyrra, er Trausti Árnason. I sambandi við það vil ég nefna eftirfarandi: Þetta blaðsform krefst mikils hraða í öllum vinnubrögðum. Þessi hraði bitnar óhjákvæmilega einna helzt á ábyrgðarmanninum. Þ. e. a. s. hann fær greinarnar oft í slæmu ásig- komulagi og við neyðumst til að taka þær frá hon- um aftur án þess að hann fái eðlilega langan tíma til að lesa þær yfir. Ellegar gæti útkomu blaðsins seinkað, en einsog áður hefur komið fram (hér að framan og í síðasta blaði) þá leggjum við höfuðáherzlu á að blaðið komi sem fyrst út frá því að efnið er tilbúið (enda efnið sniðið við það). Augljóslega þarf hér úrbóta við, því illt er ef lögin um skólablaðið hefti eðlilegri baðaútgáfu. Það ráð er mér kemur einna helzt í hug er, að einhver úr ritnefnd taki að sér starf ábyrgðar- manns. Við í ritnefnd störfum altaf að blaðinu og lesum það raunar um leið og það verður til. Efni Litla munins er slíkt að engra útfellinga hefur verið þörf. Enda er ætlunin að Litlimuninn verði fyrstogfremst fréttablað. Megi þú svo vel njóta! Með virðingu og vinsemd. Haukur Halls. ÚTGEFANDI: SKÓLAFÉLAGIÐ HUGINN M. A. 2. tbl. — 44. órg. Mánud. 25. okt. MYRKRAVERK Birting leyniplagga ungra íhaldsmanna hefur að vonum valdið umtali meðal manna. Ekki einungis vegna þeirra dul- arfullu vinnubragða, sem hér um ræðir, heldur líka þess and- rúmslofts, sem virðist ríkja meðal unga íhaldsins. Er ekki nokkur vafi á því að samtímis vinstri sveiflu þjóðarinnar, hafa ungir íhaldsmenn þokast til hægri. Annars er hlálegt að lesa gagn rýnina á forustuna, þegar minnzt er snepils, sem Heim- dallur gaf út í fyrra („Með ungu fólki", eða álíka nafn), þar sem rætt er um hve ánægðir ungir Sjálfstæðismenn séu með flokk- inn; þeir þurfi ekki að gagn- rýna .... o. s. frv. Hér er ekki ætlunin að birta öll leyniplöggin, — heldur minn- ast á örfá atriði, sem vert er að hafa í huga, eða eru skemmtileg fyrir ýmsar sakir. — Oneitan- lega er það athyglisvert, hvað æskulýðssamtök helzta lýðræðis- flokksjns eru að hafast að, ekki sízt fyrir nemendur í skólum landsins, eins og að verður vik- ið. Þar sem fjallað er um verk- efni Sjálfstæðisflokksins, er fyrst bent á, að „ný viðhorf hafa skapazt meðal ungrar kyn- slóðar" og „mýjum rökum þarf að heita í fylgisleit ...." — Verður fróðlegt að athuga til- vonandi röksemdafærslu, með hliðsjón af þeirri „hugsanlegu" leið, að „gefa út bók eða foækl- ing um hugmyndafræði Sjálf- stæðisflokksins." (Lbr. mín). I þessum kafla er svo hent á þá brýnu nauðsyn, að „skipu- leggja þjálfun og uppeldi fram- bærilegra málsvara Sjálfstæðis- flokksns." (Leturbr. mín). Er mála sannast, að hér sé vikið að merku framfaramáli; annað eins uppeldi og þessir piltar virðast hafa fengið, sem hingað til 'hafa verið málsvarar íhaldsins. Svo er komið að fainu fræga verkefni, sem ungir flialdsmenn vilja að flokkurinn taki sér fyrir hendur, en það hljóðar svo í drottins nafni: „Ala jafnt og þétt á innbyrðis tortryggni vinstri stjórnarflokka og stuðningsmanna þeirra." Um þetta segir svo í Sunnu- dagsblaði Tímans, 32. tbl., 17. okt. sl.: „Þetta getur tæpast þýtt nema eitt: Fyrirmæli um, að það skuli vera dagleg iðja stjórnmála- manna að rægja menn saman — vekja tortryggni og grun- semdir, hvenær sem færi gefst og ala síðan á þeim sýknt og heilagt" Síðan segir blaðið að það hafi að vísu gerzt, að ófyrirláts- samir menn hafi „rekið fleyg milli góðra samstarfsmanna, att þeim hverjum gegn öðrum, en staðið sjálfir álengdar með glott á vörum." Síðar segir blaðið orðrétt: „En sem betur fer hefur lík- lega aldrei verið borin fram sú tillaga, að það skuli pólitísk dag skipan, eitt af boðorðunum á starfsskrá heils stjórnmálaflokks, að leggja sig eftir slíkum rógi af fremsta megni og „ala jafnt og þétt" á honum. Og það er harla alvarleg nýbreytni og veltur á miklu, að menn átti sig á því, hvað þetta táknar, og bregðist við eins og vert er. Vafalaust er mikið til af pólitískri formyrkv- un, heift og hatri, en það er eigi að síður erfitt að trúa öðru en þvílík siðblinda veki andúð, sem er máttugri sorafengnum átrún- aði á mátt rógsins. Og með því að á skal að ósi stemma, heimtar svona tillögugerð afdráttarlausa fordæmingu þegar í stað. Eftir snarpa hirtingu má hún síðan gleymast eins og vondur draum- ur." Við látum þetta nægja um verkefni Sjálfstæðisflokksins og snúum okkur að stöðu hans. Til að byrja með er því slegið föstu, að kosningaúrslitin í sum- ar hafi verið „hræðilegt áfall fyrir flokkinn." Ástæðurnar fyrir þessu eru tilgreindar. M. a. er bent á, að flokkurinn hafi verið svo gott sem stefnulaus — og áróður all- ur í molum. Sagt er að staða flokksins meðal eldra fólks hafi ekki veikst til muna. — Síðan segir: „Hins vegar er Ijóst, að unga fólkið kýs flokkinn ékki í jafn miklum mæli og áður og allt of mikil brögð eru að því, að ungt fólk iíti á Sjálfstæðisflokkinn, sem ímynd spUUngar og stöðn- unar í þjóðfélaginu, en fyrrver- andi málgagn flokksins, Morg- Framhald á bls. 5. Starfshópar stofnaðir í VOR er leið voru stofnaðir starfs- og umræðuhópar á veg- um skólablaðsins. Ástæðan fyrir þvi að skólablaðið gekkst fyrir stofnun þessara hópa var aðal- lega eftirfarandi: Það var samhljóða álit rit- nefndar að yfirlýstu markmiði yrði bezt náð með starfs- og um- ræðuhópum og/eða leshrjngj- um, sem sendu svo frá sér efni í skólablaðið. En eitt af marfcmið- um með skólablaði er, að áliti okkar, að fá sem flesta til starfa við það og til að skrifa í það. Einu sinni sagði ég í framboðs- ræðu eitthvað á þá leið, að blað- ið ætti að vera „frjáls vettvang- ur frjórra skoðana". Vissulega er blaðið frjáls vettvangur skoð- ana, því það birtir allt sem berst svo fremi það sé innan ramma alls velsæmjs o. þ. h. Frj ósemin sem ég nefndi, verð ur vart aukin á annan hagkvæm ari hátt en með hópvinnu og hóp umræðu í formi starfshópa. (Til frekari útlistana á fyrirbærinu starfshóp og til frekari rökstuðn- ings vitna ég til greinar í Skóg- ræktarblaðinu. „Um starfshópa" heitir sú merka grein.) Til frekari áréttingar vil ég taka fram að eitt af grundvallar lögmálum starfshóps er að hann hefur innri og ytri tilgang þ. e. innri: að þroskast, afla aukinn- ar reynslu og auka víðsýni o. s. frv.; ytri: miðla þessari reynslu, þekkingu, umræðu o. s. frv. Ef starfshópar koma ekki reynslu Framhald á bls. 5.

x

Muninn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Muninn
https://timarit.is/publication/429

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.