Muninn - 01.05.1991, Blaðsíða 5

Að afloknum kosningum
Nú eru kosningar til skólafélags-
stjórnar afstaðnar og nú er loksins
komin ný skólafélagsstjóm. Mig
langar til að leggja nokkur orð í belg
varðandi þessi mál öll, sérstaklega
vegna þess að ég átti hlut nokkurn
í þessum hildarleik. Það má öllum
vera ljóst, sem veit eitthvað um
hvað málið snérist að þetta var tóm
vitleysa nokkurn veginn frá upp-
hafi og allt til enda. Lögin voru
brotin þvers og kruss, það er þá
sjaldan að til voru nokkur lög sem
fjölluðu um þessar aðstæður sem
upp voru komnar hvað og hvað
skiptið, en það var sorglega sjald-
an. Þetta er ótækt og verður að laga.
Ég skora á fólk að taka sig nú sam-
an og laga þessi blessuðu lög þegar
þar að kemur næst. Skólafélags-
stjórnin verður að hafa almennileg-
ar reglur til að starfa eftir og ekki
sakar að hún sjái einhverja ástæðu
til að vinna eftir þessum ákveðnu
reglum.
Gunnlaugur Friðrik Friðriksson
3.F
MUNINN - 5