Muninn - 01.11.1996, Blaðsíða 16

Hörje hörje, skólastjórn Menntaskólans á
Akureyri hefur skapaö nýjar mætingarreglur fyrir
nemendur skólans. Glöggir nemendur sem hafa verið í
námi viö skólann í a.m.k. þrjú ár hafa ef til vill tekið eftir
því að þetta er þriðja formið sem mætingarreglur birtast í
á þeim tíma. Og hefir þá þrítala ævintýranna verið kynnt
til sögunnar...
Það sem sérstaklega hefir vakið eftirtekt
undirritaðs við nýskapað mætingarkerfi, að því
undanskildu að þær verða að teljast þó nokkuð strangar
a.m.k. í samanburði við þá skóla sem haft var samband
við til viðmiðunar af undirritaðs hálfu, er hve hart skal
tekið á kvefi og eins- til tveggjadagapestum nemanda.
Tekið er skýrt fram í "Reglum um skólasókn" að
nemanda beri að skila læknisvottorði til spjaldskrárritara
vilji hann að veikindi hans séu skráð sem vottuð fjarvist.
Þetta ku ganga jafnt yfir þá sem veikir eru í einn dag og
þá sem liggja krankir í lengri tíma, t.d. ellefu daga.
Höfundi þykir vert að benda á það að séu læknar á
Akureyri ekki skyggnari en gengur og gerist hjá læknum
almennt eru þeir ekki öfundsverðir af því hlutskipti sínu
að segja til um hvort Bjartur í Sumarhúsum (falskt nafn á
ímyndaðri persónu höfundar út í bæ), hafi virkilega verið
veikur fyrir t.d. ellefu dögum. Þetta er sagt með þeim
fyrirvara að vottorðakerfi það er nú er notast við sé
tilkomið vegna þess að skólastjórnendur hafi rennt í grun
að menn hafi nýtt sér þann veika blett á þáverandi
mætingakerfi (þar sem N.B. þurfti ekki að skila vottorði
fyrir veikindi í 1-2 daga) og logið til um veikindi sín og
fengið þar með heilan dag til umráða án þess að eiga
það á hættu að verða vísað frá námi. Víkjum þá aftur að
óöfundsverðu hlutskipti lækna á Akureyri sem eiga að
segja til um hvort Bjartur í Sumarhúsum (falskt nafn á
ímyndaðri persónu höfundar út í bæ), hafi í raun verið
veikur. Af þessu má draga þá ályktun að orð nemanda
séu tekin góð og gild ef þeir eru tilbúnir að leggja út
"örlitla" fjárupphæð fyrir þau.
Annað sem hefir "gripið auga" undirritaðs er
hvernig er merkt við seintkomur nemanda. Hefir það
hvarflað að undirrituðum að það sé jafnvel þó nokkuð
strangt að vísa nemanda frá námi fyrir að koma seint í
marga tíma á einni önn þó svo að hann hafi mætt vel í
alla tíma í sjö og hálfa önn en það er að sjálfsögðu
matsatriði eins og svo margt annað. Að gefa "F" í
kladdann fyrir að koma tveimur til þremur mínútum* of
seint í kennslustund er þá líka matsatriði og telur
undirritaður það vera blóðugt (*Áætlaður tími sem
lærifeður/-mæður við Menntaskólann á Akureyri eyða í
að taka manntal í upphafi hverrar kennslustundar).
Höfundi þessarar klausu þykir það einnig hart að
hafa 90% mætingarskyldu, engin grá svæði, og gefa
einnig fulla fjarvist fyrir seintkomur. En vissulega er það
matsatriði eins og svo margt annað.
Haft var, eins og fram hefur komið hér að ofan,
samband við aðra góða framhaldsskóla á landinu til
glöggvunar á því hvað er "inn" í mætingarreglum í dag.
Kom það á óvart að þeir skólar voru með tiltölulega rýmri
reglur í brottvikningu nemanda m.t.t. fjarvista. Þar kom í
Ijós að Menntaskólinn á Akureyri er eini skólinn sem vísar
nemendum burt fyrir að vera fjarverandi ellefu af hverjum
hundrað kenndum tímum og er jafnframt sá eini er gerir
ekki upp á milli þeirra sem mæta seint og þeirra sem
mæta ekki; hefir þá verið kynnt til sögunnar jafnréttið
sem löngum tíðkaðist í ævintýrunum.
Höfundur þessarar klausu beiðist þess að menn
líti ekki svo á að aldrei eigi að gefa "F" í kladdann nema
fyrir fjarvist í öllum tímanum. Það er ekki svo en þetta
fimm mínútna tímabil sem heimilar kennara að gefa "S" í
kladdann flokkast varla undir stjórnleysi og upplausn í
skólanum. Vert er að fræða þá sem nú eru á fyrsta ári til
skólans að "S" var ritað aftan við nafn þess nemanda er
mætti allt að fimm mínútum of seint til kennslustundar í
tíð síðasta mætingarkerfis. Er nú farið fyrir S-i þessu eins
og Z-unni og heyra bæði sögunni til.
Annað sem á ekki síður skilið að koma fram er
sú einkunn sem rituð er á stúdentsprófsskírteinið
varðandi títtnefnda skólasókn. Fyrir að mæta í 94% allra
kennslustunda er gefin einkunnin 4 sem telst til
falleinkunnar. Undirrituðum þessarar klausu þykir þetta
full hart og þætti réttara, eðli málsins samkvæmt, að
sýna í prósentum hver nýting nemanda á þeim
kennslustundum sem í boði voru, raunverulega er/var.
Þetta er að sjálfsögðu líkt og allt sem á undan hefur
gengið, matsatriði.
Ðe bottom læn...
Þú mætir fjórum mínútum of seint og færð sömu
meðferð í kerfinu og þeir sem mæta ekki...
Þú segist hafa vera veik(ur) í gær og þér er ekki
trúað nema að þú skilir inn plaggi uppáskrifuðu af lækni
sem segir svo, þó svo að á því geti staðið "veik(ur) að
eigin sögn"...
í lok námsferils þíns í Menntaskólanum á
Akureyri er rituð mætingareinkunn á þitt stúdentspróf,
þar sem 94% skólasókn gefur einkunnina 4, sem
hugsanlega gæti gefið framtíðar vinnuveitanda rangar
hugmyndir um ástundun...
Þú ert í einum af fáum ef ekki eina
framhaldsskóla landsins sem krefst 90% mætingar og
heimilar ekki seintkomur...
Þú ert í Menntaskólanum á Akureyri, enginn
annar eins.
Þegar hér er komið við sögu leggur undirrítaður undir sig hól
og hæð og finnur að máli Jón Má Héðinsson konrektor til
Menntaskólans á Akureyri og ræða þeir stuttlega um m.a.
nýjustu mætingarreglurnar í því musteri menntunnar sem
Menntaskólinn á Akureyri er.
Hvers vegna?
Það er nú ekki mikil breyting á kerfinu í sjálfu sér,
reglur eru gerðar ákveðnari. Það er enn sama
meginreglan að menn eigi að mæta í skólann
stundvíslega og í allar kennslustundir, þannig að
grundvallarreglum er ekki breytt. Nú er það einfaldað
bæði fyrir nemendur og kennara á þann hátt að heimilar
fjarvistir eru þær sem skólameistari eða
aðstoðarskólameistari veitir eða þær sem eru staðfestar
með vottorði. Þannig að þetta er áherslubreyting frekar
en veruleg stefnubreyting.
Voru þá "nýju" reglurnar bornar saman við reglur
annara framhaldsskóla?
Það var gert. Við erum með það sem stundum
er kallað bundið áfangakerfi, blöndu af áfangakerfi og
bekkjarkerfi. í áfangakerfi er alla jafnan ekki tekið tillit til
veikinda eða neins slíks en fjarvistarreglur þá rýmri, fari
nemandi yfir leyfilegan kvóta fær hann ekki að þreyta
próf og þarf að fara í áfangann aftur. í öðrum
bekkjarskólum er breytileg útfærsla á þessu kerfi sem við