Muninn - 01.11.1996, Blaðsíða 38

Aðdragandi nýbyggingar
Eins og flestir vita þa' var nýbygging MA tekin í notkun nú í haust og bætti þaö
úr brýnni húsnæðisþörf skólans. Hjá nemendum virðist ríkja almenn ánægja
með húsið. þótt alltaf séu einhver atriði sem betur mættu fara. er líkast til enginn
sem vildi halda áfram að labba milli Gamla-skóla og Möðruvalla með tilheyrandi
kulda og vosbúð !
Forsögu nýbyggingar MA má rekja allt aftur til ársins 1972 þegar Tryggvi
Gíslason þá nýráðinn skólameistari tók að vekja máls á húsnæðisvanda skólans.
Vantaði þá þegar u.þ.b. 2000 m til þess að hann sinnti þörfum 600
nemenda. Ymsar hugmyndir komu fram t.d. gerði Stefán Reykjalín
frumteikningu af viöbyggingu við Gamla-skóla og einnig voru gerðar margar
teikningar af viðbyggingum við Möðruvelli. Engin þessara hugmynda varð
að veruleika og ef svo hefði farið. hefði núverandi nýbygging aldrei litið
dagsins ljós. Guðmundur Kr. Guðmundsson arkitekt í Reykjavík hannaði t.d.
viðbyggingu við Möðruvelli til vesturs 1981. Hún átti að hýsa 6 kennslustofur og
samkomusal. Þá kom upp sú hugmynd 1988 að spegla hreinlega Möðró til
austurs og tvöfalda þannig stærð hússins.
Margar skýringar lágu að baki því að ekki var hægt að hefjast handa
við nýbyggingu fyrr, t.d. vegna skilningsleysis stjórnvalda auk byggingar
Iþróttahallarinnar og Verkmenntaskólans en þau hús höfðu forgang. MA átti
nefnilega í upphafi að nýta Höllina mun meira en raun bar vitni. Fleira orsakaði
þessa aldarfjórðungs bið MA-inga eftir nýju húsnæði án þess að það verði tíundað
frekar hér. Allt til 1990 var í raun einungis um draumórakenndar hugmyndir
varðandi viöbyggingar að ræða og það var ekki fyrr en 1990 að veruleg hreyfing
fór að komast á málin. Þá lét skólanefnd MA gera könnun á húsnæðisþörf
2 2 ,
skólans og kom í Ijós að u.þ.b. 2300 m vantaði til þess að 8.8 m væru á
nemanda. miðað við 600 manna skóla. sem er lágmark samkvæmt reglugerð
frá menntamálaráðuneytinu.
A fjárlögum ríkisins 1991 voru svo veittar tvær milljónir til hönnunar
nýs kennslu - og bókasafnshúss við MA. Efnt var til lokaðrar hugmyndasamkeppni
arkitekta. Þeir sem tóku þátt voru Fanney Hauksdóttir. Svanur Eiríksson og Finnur
Birgisson. Páll Tómasson og Gísli Kristinsson. Dómnefnd skipuðu Arni Olafsson
arkitekt sem var formaður. Björn S. Halldórsson arkitekt, Pálmi Guðmundsson
arkitekt. Asmundur Jónsson menntaskólakennari og Tryggvi Gíslason skólameistari
sem jafnframt var ritari nefndarinnar. Tillaga Páls og Gísla bar sigur úr býtum
enda segir m.a. í umsögn dómnefndar: „Tillagan felur í sér bestu lausnina hvað
varðar gott og vistlegt skólaumhverfi í víðasta skilningi". Þrátt fyrir að
undankeppninni væri lokið átti mikið vatn eftir að renna til sjávar. Upphafleg
tillaga Páls og Gísla gerði ráð fyrir því að Fjósið. íþróttahús MA. yrði rifið því
nýbyggingin átti að rísa á svæðinu milli Möðruvalla og Gamla-skóla. Það þótti
djarflega teflt að rífa Fjósið og kom fram krafa af hendi skólanefndar að
Fjósið stæði áfram. Þeir Gísli og Páll þurftu því að leggja höfuðið í bleyti og
breyta húsinu þannig að sneitt yrði hjá fjósinu. Það var gert og nýja tillagan.
þ.e. núverandi nýbygging var samþykkt af skólanefnd. I febrúar 1994 var
svo skrifað undir samning við ríkið varðandi fjármögnun hússins þannig
að framkvæmdir gátu hafist vorið 1994. Meiningin var svo að taka húsiö
í notkun í áföngum. þann fyrsta haustið 1995 og þann síðasta haustið
P 1998. Byggingu hússins var flýtt. samþykkt var að taka það í notkun
fullklárað 1996 og sleppa alveg að skipta framkvæmdinni niður í
áfanga. 22. september 1996 var svo langþráðum áfanga náð þegar
Menntaskólinn á Akureyri var settur á Hólum í fyrsta sinn.
1*.-
Lj— --U
Tillaga Gísla og
fékk 1. ver&Jaun
Tillaga Svans og EirTJcs
[38] MUNINN HAUST 1996