Muninn - 01.11.1996, Blaðsíða 72
Bráðum koma blessuð jólin,
börnin fara að hlakka til.
Allir fá þá eitthvað fallegt
í það minnsta kerti og spil.
Sígildasta jólagjöfin er þó líklega bókin. Níu af hverjum tíu bókum koma út um jólin, sem er óvenju hátt hlutfall
miðað við önnur lönd, þó að útgáfan sé nokkurn veginn allsstaðar mest á þessum tíma. Þó hefur fjöldi vasabrotsbóka
aukist jafnt og þétt og Vaka - Helgafell gerði athyglisverða tilraun með því að gefa út fimmtán litlar bækur í sumar,
s.s. smásagnasöfn eftir Laxness og Ólaf Jóhann, Ljóðaperlur Jónasar Hallgrímssonar og svo söfn þjóðsagna,
draugasagna og ævintýra.
Þó eru jólin ennþá gósentíðin, enda fátt notalegra en að narta i laufabrauð og drekka appelsín og malt með góðri
bók á aðfangadagskvöld. En hvað verður í boði í þetta sinn? Við skulum líta á hvað gæti komið upp úr hörðu
pökkunum þessi jól.
Islenskar skáldsögur.
Á þessum lista má sjá nokkur stór nöfn, Vigdís Grímsdóttir
sendir frá sér Z Ástarsaga, Einar Kárason segir okkur Þætti af
einkennilegum mönnum, og Sony-stjarnan Ólafur Jóhann Ólafsson fylgir
Sniglaveislunni eftir með Lávarður heims, sem er sögð nokkuð ólík hans
fyrri verkum.
Fjölmiðlakonan Gerður Kristný fær öllu
skemmtilegri póst heldur við hin, Regnbogi í
póstinum er a.m.k. meira spennandi en Visa-
reikningurinn minn.
Eyjabækurnar eru ekki eina þríeykið sem
íslenskur rithöfundur hefur skrifað, nú er Ólafur
Gunnarsson að senda frá sér eina slíka og fyrir jólin
kemur út framhald Tröllakirkju sem kom út fyrir
fjórum jólum og var á fjölum Þjóðleikhússins á
síðasta vetri. Nýja bókin heitir Blóðakur og mun þá
eitt bindi þessarar átakasögu um tvær íslenskar
nútímafjölskyldu óútkomið.
Enn eru fjöldamargar skáldsögur ótaldar
og eru þeirra á meðal Snákabani Kristjáns B.
Kristjánssonar, ioi Reykjavík eftir Hallgrím Helgason
o.fl.
Þýdd skáldverk
Sjónvarpsfíklar! Þeir ykkar sem eyddu sunnudagskvöldum í
vetur í sjónvarpsgláp getið nú bætt fyrir það, vegna þess að nú eru að
koma bækur fyrir ykkur. Mál og menning gefur út Hroki og hleypidómar
eftir Jane Austen, vinsælasta dauða rithöfundinn í dag. Einnig kemur út
örlagasaga tveggja fjölskyldna i Whittingbourne sem heitir Milli vina og er
eftir Joanna Trollope, þá sömu og samdi þættina um Kórinn, sem enginn
heiðvirður sjónvarpsunnandi hefur misst af.
Agatha Christie og Sherlock Holmes eru kannski látin en það er
enn von! Bretar hafa fundið nýjan sakamálagúrú í Minette Walters sem
fékk Gullrýtinginn breska fyrir Andlit óttans sem Vaka - Helgafell gefur út.
Einn er þó sá maður sem hvorki reyfarahöfundum né múslimum hefur
tekist að drepa ennþá, og sá heitir Salman Rushdie. En það sem vill oft
gleymast við þennan ágæta mann er að hann var ekki aðeins aðalóvinur
Khomeini heitins heldur einnig afbragðsrithöfundur, m.a. líkti Stephen
King honum við sjálfan Dickens. Frá honum kemur núna bókin Hinsta
andvarp márans, sem Árni Óskarsson þýddi.
ítalska skáldkonan Susanna Tamaro átti afar erfiða
æsku. Henni var talin trú um að hún væri vangefin og
örvænting og einmanaleiki þessara bernskuára skín
áþreifanlega í gegn í þeim fimm sögum sem finna má í
Fyrir eina rödd. Sterk bók.
Frændur okkar Danir höfðu handritin okkar undir
höndum í nokkrar aldir og þeir virðast nú hafa lært
ýmislegt af þeim. A.m.k. eru nokkrar athyglisverðar
bækur að koma út eftir danska höfunda um þessi jól.
Annars staðar er sagt frá bók Peter Höeg, Hugsanlega
hæfir, en hann sendir einnig frá sér bókina Konan og
apinn. Annar öllu óþekktari Dani er Michael Larsen,
með bókina Svikinn veruleiki.
Enn einn Daninn er svo prinsinn af Jótlandi, Hamlet.
Það má reikna með að hann verði nokkuð
fyrirferðarmikil! í einna eigulegustu bókinni sem út
kemur núna, Veröldin er leiksvið, en þar hefur þýðandinn góðkunni Helgi
Hálfdánarson safnað saman broti af hinni miklu orðsnilld Shakespeares.
Önnur eiguleg er bók eftir Amy Tan, sem er þekktust fyrir Leikur hins
hlæjandi láns, en nýja bókin er um kínverska innflytjendur i
Bandaríkjunum á eftirstríðsárunum og heitir. Ég sem hélt að eldhúsguðinn
sjálfur væri kona, einnig þekkt undir nafninu mamma.
Ljóð
Gefin verður út Ijóðabók Jóhannu Sveinsdóttur Spegill undir
fjögur augu á meðan heimshornaflakkarinn Jóhanna Kristjónsdóttir er
Guðmundur
Andri Thorsson
Jóla
[72] MUNINN HAUST 1996
bækur