Muninn - 01.05.2003, Blaðsíða 73

Þá fórum við og litum á Berlínarmúrinn, eða það sem að eftir er af honum.
Eftir það fórum við í Dýragarðinn og hittum hressa apa, feit ljón,
illa lyktandi krókódíla og fallega
fiska. En maður spyr sig; hversu
gaman er að horfa á dýr innilokuð og
óhamingjusöm? Það tekur nú svolítið
á sálina...
Að minnsta kosti var yndislegt
veður og allir í góðum húmor því
eftir dýragarðinn var stefnan tekin
á bestu ísbúð sem fannst á svæðinu
Háagen Daaz... ohhh slef...
Um kvöldið settum við okkur svo í gírinn fyrir stóra daginn; HEILAN
DAG Á KU’DAMM verslunargötunni!!! (staður til peningaeyðslu). Þar
fengum við að leika lausum hala í heilan dag og eyða næstum því eins
miklum peningum og við vildum. Það voru margir pokum klyfjaðir
þegar við loksins hittumst um fimmleytið og enn aðrir höfðu verið svo
útsjónarsamir að kaupa sér almennilegar ferðatöskur á hjólum og með
áttavita fyrir allt fallega dótið sitt. Öllu má nú samt ofgera og voru þessar
umræddu töskur nærri því stærri en eigendur sínir... en einn eigandinn
leiddi okkur einu sinni í þann sannleika að við vorum að ganga í austur
yfir gangbraut. HALLELÚJA UND AMEN!!
Um kvöldið lá leiðin heim og Jakobi var boðið flytja til Berlínar og búa í
pönkarakommúnu. Honum fannst það freistandi en afþakkaði samt pent
með rökstuðningi að stelpurnar í bekknum hans væru bara of sætar til að
sleppa af þeim svipunni... Avúhú! Svo tók við tólf tíma næturferð með lest
til Malmö, þrjátíu mínútna lestarferð til Kóngsins Kaupinhafn, tveggja
tíma vera á Kastrup Lufthavn, þriggja tíma flug til Isalandsins og sex tíma
rútuferð til Akureyrar. Við komum heim södd og sæl, reynslunni ríkari,
með fullar töskur af varningi en veskin tóm. Þetta var hreint út sagt eine
Wunderbares ferð sem ekki verður leikin eftir. Aber ja...
KriStjana Pálsdóttir og Ævar Þór Benediktsson