Heimir - 01.11.1909, Blaðsíða 11
HEIMIR
63
öflugir, eins og t. d. söfnuðirnir í Seattle, Portland, San Fran-
cisco, Berkley (Cal.) o. fl. þetta sýnir aö únítarískar trúarskoð-
anir eru ekki á neinn hátt takmarkaðar við einn hluta landsins
og ástandið þar, heldur eiga fyrir höndum að útbreiðast um
alia Ameríku.
Á þessu ári hefir fyrsta alvarlega tilraunin verið gerð til að
flytja enskufnælandi fólki í Vestur-Canada únítariskar trúar-
skoðanir. Séra Frank W. Pratt dvaldi hér í Winnipeg og
endurreisti hér söfnuð, sem áður var til að nafninu. Sá söfnuð-
ur er nú þegar orðinn all fjölmennur og ráðgerir að byggja
kyrkju innan skamms, Núverandi prestur hans er William A.
Vrooman, áður prestur við kongregazional kyrkjuhér í bænum.
Séra Pratt hefir, síðan hann fór héðan, heimsótt marga bæi í
Vesturlandinu, en er nú seztur að í Calgary, þar sem hann býst
við að dvelja um sex mán. tíma til að koma á fót söfnuði. Oss
íslenzkum únítörum er mikil hjálp að því að skoðanir vorar nái
sem mestri útbreiðslu á meðal hérlends fólks og ættum vér að
styðjaað því eftir megni með samvinnu og þeirri hjálp, sem vér
getum í té látið.
Séra Charles W. Wendte, einn af starfsmönnum Ameríska
Únítarafélagsins fór til Norðurálfunnar í sumar til að undirbúa
fimta alþjóða þing únítara og annara frjálstrúarmanna, sem á
að haldast í Berlín á Þýzkalandi næsta sumar. Hann fór, í
undirbúnings erindum, til sjö landa og hélt undirbúningsfundi
með frjálslyndum mönnum, sem vildu styðja fyrirtækið. Við-
tökurnar voru alstaðar hinar beztu. I Lundúnum t.d. lét séra
R. J. Campbell í ljósi, að hann væri fyrirtækirru hjartanlega
hlyntur og stakk uppá að næsta þing yrði haldið í kyrkju sinni
(The City Temple). Einsog kunnugt er hafa fjórir samskonar
fundir verið haldnir áður, hinn síðasti í Boston 1907. Ekki
Þarf að efa að sá næsti verði í alla staði jafn þýðingarmikill og
þeir fyrri, því á þýzkalandi er mikið mannval og mikið um
frjálslyndi á meöal hins bezt mentaða hluta þjóðarinnar.