Heimir - 01.07.1911, Blaðsíða 5
HEIMIR
245
Goöasagnir þessar eru flóknar og víöa sjálfum sér ósam-
kvæmar. Þær voru búnar að ganga munnmælum afarlengi áður
en þær voru færöar í letur. Hvort þær hafa nokkurn sögulegan
grundvöll vita menn ekki, en þess hefir verið getið til af sumum
fræðimönnum, að í þeim felist æfagamlar frásagnir af viðureign
Japaníta sjálfra og frumbyggja eyjanna, er Japanítar fluttu til
þeirra af meginlandi Asíu, sem menn reyndar vita ekki, hvenær
eða hvernig hefir átt sér stað. En hvað sem því líður eru hug-
tnyndirnar um guðina mjög skyldar lífi og reynzlu mannanna
sjálfra. Guðirnir hafa flest mannleg einkenni og lifa líkt og
menn. Þeir eru aðeins máttarmeiri verur en mennirnir.
Margir hinna fornu guða, sem goðasagnirnar segja frá, eru
nú algerlega fallnir í gleymsku á meðal fólksins. Stundum vita
menn jafnvel ekki hvaða guði musteri þau eru helguð, sem þeir
tilbiðja í. En þó er engin hætta á að guðunum fækki, því altaf
bætist við. Eru það forfeður, sem eru teknir í guða töluna.
Fyrir nokkrum árum úrskuiðaði keisarinn að 20 ágætismenn
fyrri tíma skyldu teknir í guða tölu, og voru musteri vígð í#
nafni þeirra við það tækifæri.
Helsti guðinn, sem nú er dýrkaður, sem fyr, er sólargyðjan.
Aðalmusteri hennar er í bænum Jamada. Þangað fer mesti
sægur manna pílagrímsferðir á ári hverju; sérstaklega eru það
bændur og kaupmenn, sem þangað sækja. Þeir fara þangað til
þess að biðja um blessun sólargyðjunnar yfir atvinnuvegi sína.
Margir fleiri guðir, sem eru almennir líkt og sólargyðjan eru
dýrkaðir, og standa musteri þeirra til og frá um landið. Að
þeim sækir fólk til fórnfræðinga og bæna, en prestar gæta
musteranna og helgisiða. Auk þessara almennu guða er til
mesti fjöldi af staða-guðum. Hvert fjall, fjölda mörg tré, ár og
margir aðrir hlutir í náttúrunni hafa sinn guð.
Forfeðra dýrkunin er eitt af aðal-einkennum Shintotrúar-
innar. Ekki aðeins eru miklir menn fyrri tíma tilbeðnir, heldur
einnig menn, sem dáið hafa fyrir skömmu. Sálum þeirra
manna, sem létu lífið fyrir'keisarann í innanlandsófriðnum 1868
er keisaravaldið var endurreist, hefir verið reist musteri í Tokíó.