Heimir - 01.07.1911, Blaðsíða 8
24B
HEIMIR
gulli. Líkneski þetta stendur úti, hiö eina, sem ekki stendur í
musteri, og er frá þrettándu öld.
Búddhatrúarmennirnir í Japan dýrka marga fleiri guöi.
Norönrbúddhatrúin varð að hreinni fjölgyðistrú, þó ekkert væri
fjarlægara hinni upprunalegu Búddhatrú en dýrkun margra
guða. Guð náðarinnar og guð vizkunnar eru víða dýrkaðir af
japönskum Búddhatrúarmönnum. Ennfremur eru fyrri aldar
Búddhatrúar-spekingar næstum því tilbeðnir eins og guðir.
Búddhatrúarmenn skiftast í marga flokka, sem sín á milli
eru alls eigi samdóma um ýms atriði trúarinnar. I Japan eru
sex slíkir flokkar. Flokkar þessir hafa verið við lýði um langan
aldur; voru til á þrettándu öldinni, þegar innbyrðis deilurnar
féllu að mestu leyti niður og prestarnir fóru að taka þátt í
stjórnmálum, sem varð fremur til óhags fyrir landið. Búddha-
trúin náði þá mjög hylli keisaranna og hærri stéttanna. Margir
keisarar eyddu síðari hluta æfi sinnar í klaustrum og yfirgáfu
algerlega landsmálin. Þetta ásigkomulag hélzt þar til seint á
síðastliðinni öld. Þá varð breyting mikil í stjórnmálunum.
Lénsherra valdið var afnumið og keisaravaldið stórum aukið.
Að þessum breytingum studdu Shintotrúarmenn mjög. Afleið-
ingin var sú, að Shintotrúin var viðurkend af keisaravaldinu en
mjög krept að Búddhatrúnni. Þó hefir ekki tekist að veikja
hana á meðal fjöldans; hún er ennþá hans trúarbrögð, þar sem
Shintotrúin hefir aðeins fylgi hinna hærri stétta.
Siðferðiskenningar Búddhatrúarmanna eru margar fagrar
og háleitar. Þær eru grundvallaðar á lffsreg'um og fyrirskipun-
um, sem finnast í hinum auðugu, fornu bókmentum Búddha-
trúarinnar. Prestarnir útskýra þessar kenningar og hefir hver
fiokkur sínar útskýringarog skoðanir á þeim. Búddhatrúarmenn-
irnir í Japan taka mjög þátt í ýmsum umbóta störfum; þeir hafa
t.d. stofnað hæli af ýmsu tagi fyrir hjálpar þurfandi fólk. Það
er orðlagt hversu fúslega, jafnvel þeir fátækustu, leggja fram fé
til musteranna. Á síðari tímum hafa Búddhatrúarmenn í
Japan starfað á móti útbreiðslu kristindómsins þar, og í því