Iðunn : nýr flokkur - 01.01.1925, Blaðsíða 86

80
Ritsjá.
IÐUNN
Ljóð Sigurðar Sigurðssonar (Ljóð eftir Sig. Sig. frá Arnarholti.
Onnur útg. aukin. Rvík 1924. Mynd höfundarins) og Páls Ardals
(Páll J. Árdal: Ljóðmæli gömul og ný. Akureyri MCMXXIII.
Tvær myndir af höf.). Hvorugur þessara manna verður talinn til
höfuðskálda, en báðir eru vel hlutgengir. Sig. kveður Iítið og fá-
breytilega, en vel og kröftugt. Kennir nokkuð átakanna og dregur
úr gildi kvæðanna. En stórum vinsæl er bók hans og verður það
áfram vafalaust. Páll kveður allmikið, og langbest þegar hann
velur sér einföldustu viðfangsefnin. Hin stærri kvæðin fara flest í
mola eða í froðna götuslóða. En stökur hans og ýms smákvæði í
gamni og alvöru eru meistaraverk. Er eftirtektarvert hvílíkur ein-
stakur formsnillingur Páll er. Hygg eg að varla finnist einn smíða-
galli í allri bókinni, en margt með snildarbragði. Þótt ekki sé
meðal ljóðabóka vil eg skjóta þv! hér inn í, að Páll hefir gefið
út eftir sig stutt Ieikrit, Happið (Páll J. Árdal: Happið, gaman-
leikur í einum þætti. Prsm. Bj. ]. Akureyri), smellinn og gaman-
saman leik, sem vafalaust fer vel á leiksviði og vekur víða ósvik-
inn hlátur. Er hann allur lipurt skrifaður og kryddaður fjölda
góðra og hnittilegra tilsvara.
Þá er hér loks alveg ný ljóðabók eftir nýjan höf.: Orn Arnar-
son: Illgresi. Man eg enn hve undrandi eg var er mér bárust
fyrir nokkrum árum fyrstu kvæðin eftir Orn Arnarson handa tíma-
riti því, sem eg var þá ritstjóri að. — Nú er komin eftir hann
heil bók, og hvað sem um bókina verður annars sagt, þá er það
víst, að hún er hvorki bragðdauf né bjálfaleg. Orn er glöggskygn
á bresfi mannlífsins og ótrúlega höggviss að hifta þar sem hann
vill og sárast svíður. Má vel vera að sumt af beiskyrðum hans
hneyksli einhverja. En Iangt er þó frá að öll Ijóð hans gangi út á
það. Græskulaust gaman er öðrum þræði og falleg, ádeilulaus
kvæði. Og alt er þetta fram sett með einstakri lipurð í kveðandi
og næmum smekk í orðavali. Lærast fá kvæði jafn fljótt og hans,
og veldur því hin syngjandi lipurð. Mér virðist svo, að séu 2—3
smákvæði frá tekin, þá beri hvert einasta kvæði í bókinni ótvírætt
skáldamark á sér. Bókin er Iagleg að frágangi og hlýtur að verða
mikið lesin, enda á það fullkomlega skilið. M. 7-
Leiðrétting. I síðasía árg. bls. 305, 4. línu, er prentað: »kysti æginn*, en á
að vera: gisti æginn.