Iðunn : nýr flokkur - 01.04.1925, Page 26

104
Thora Friðriksson:
IÐUNN
við af eymd þeirra og segir bústýrunni að færa þeim
eldivið, svo móðirin og barnið krókni ekki úr kulda.
Almanakssalinn deyr, hin fríða ekkja giftist rússnesk-
um prins og þegar hún er orðin rík, þá launar hún
Bonnard góðverkið með því að gefa honum gamalt
handrit, sem hann Iengi hefir þráð að eiga og Iagt mikið
í sölurnar til að ná í, en sem á endanum er selt á upp-
boði svo háu verði að hann megnar ekki að kaupa það.
Prinsessan lætur gera hylki um handritið, sem að öllu
útliti er eins og eldiviðarkubbur og af því kemur nafnið
á sögunni.
Einnig í þessari sögu er efnið ofur einfalt, en með-
ferðin er meistaraleg. Okkur finst, að almanakssalinn hafi
komið inn til okkar og viljað neyða okkur til að kaupa
skruddur sínar, við heyrum hann og' Bonnard talast við.
»]á, vinur minn«, sagði herra Bonnard við almanak-
salann, sem býður honum »Draumaþýðingar«, (Clef des
songes), »en allir þessir draumar, skemtilegir og leiðin-
legir og þúsundir annara, eru í rauninni bara einn:
draumur lífsins, og gefur litla, gula bókin yðar þýðing-
una á þeim draumi?«
Anatole France skapar lifandi verur að eins með því,
að láta Sylvestre Ðonnard, tala um þær eða við þær.
Þegar við höfum lesið bókina, stendur jafnvel köiturinn,
Hamilcar, okkur ljósar fyrir hugskotssjónum, en flestir
lifandi keftir, sem við höfum séð og strokið, og það
einmitt fyrir ávörp Bonnard’s, sem um leið lýsa lærdóms-
manninum ljúfa svo aðdáanlega.
Anatole France er fæddur í París í gömlu húsi á
Signubökkum, þar sem faðir hans hafði bókabúð. í iil-
efni af andláti hans hefir verið stungið upp á, að breyla