Iðunn : nýr flokkur - 01.07.1929, Blaðsíða 13

IÐUNN
Oscar Wilde.
203
II.
Það var undir áramót 1891, að þeir hittust fyrst, Oscar
Wilde og Lord Alfred Douglas. Það hefir verið almenn
tilgáta, einkum utan Englands, að Oscar Wilde hafi lýst
skiftum sínum við Douglas í Dorian Gray, í frásögninni
um Lord Henry Wotton og hið fríða ungmenni, Dorian
— og þeir, sem trúa á réttlætið í heiminum, hafa hneigst
til að skýra örlögl Oscars Wilde svo sem óhjákvæmi-
lega hefnd fyrir slíkt athæfi. Nú hafa ekki að eins æfi-
ritarar Wilde’s ósannað þennan áburð með þeirri vit-
neskju, að þeir vinirnir hafi hizt fyrsta sinn síðla hausts
1891, tveim árum eftir að Dorian Gray hafði komið út
í Lippincoit’s Magazine, heldur hefir Lord Alfred Dou-
glas sjálfur tekið af öll tvímæli um þennan misskilning
í bók sinni: Oscar Wilde and Myself.
Vináttan hófst af hendi Lord Alfred Douglass. Hann
Hann lét rithöfundinn Lionel Johnson taka sig heim til
Wilde’s í Tite Street, um það leyti sem nafn hans var á
allra vörum í London — nokkrum mánuðum eftir sýn-
'inguna á Lady Windermere’s Fan. Wilde var þá 36 ára,
Douglas 21 árs, fríður ungur maður, bókelskur og sjálfur
snoturt Ijóðskáld. En fremur hefir sjálfsagt nafn hans
og tign laðað Wilde að honum í fyrstu heldur en gáfur
hans eða persónuleiki. Wilde var að vísu þegar um
þessar mundir daglegur gestur í sumum hinna tignustu
heimila í London. En Douglas var eitt þeirra nafna í
Englands sögu, sem enn ber skin af fornum frægðar-
ljóma. Og Lord Alfred Douglas var að sínu leyti tál-
numinn af Wilde’s töfrandi persónuleika.
Um þessa hrapallegu vináttu hafa verið ritaðar heilar
bækur. M. a. bók Arthur Ransome’s, sem hafði að undir-
titli: A Story of an Unhappy Friendship (saga um lán-