Iðunn : nýr flokkur - 01.07.1934, Blaðsíða 69

IttUNN
Nútiðarbókmentir Bandaríkjanianna.
227
manna og ætla má, að fólk muni síður leggja út í að
kynna sér þær bókmentagreinir. Þó vil ég nú fara
nokkrum orðum um eitt ljóðskáldið, þar sem hann er
í rauninni sá maður, er markar þá stefnu i bókment-
unum, sem ég hefi nú rætt um, snýr sér ákveðið að
áhrifum ytri forma og hafta hins daglega lífs á heill
og hamingju mannanna, sýnir okkur lífslygina þving-
aða fram hjá heilbrigðum manneskjum, en leiðir okk-
ur þó að jákvæðum niðurstöðum, sem síðan verða
um hríð kjarninn i boðskap og lífstrú hinna raunsæju
og stórbrotnu listaskálda.
Þetta ljóðskáld er Edgar Lee Masters. Aðalrit hans
er Frá kirkjugarðinum i Skeiðarárþorpi, og hefir
Magnús Ásgeirsson þýtt nokkuð úr því riti og iátið
prenta i Ijóðaþýðingum sínum.
Masters var Iögfræðingur í Chicago. Árið 1914 fékk
hann þá hugmynd að skrifa ljóðabók, þar sem dánar
persónur úr venjulegu smáþorpi segðu í stuttu máli
æfisögu sina, segðu hana eins og hún hefði verið í
raun og veru. Á legsteinum hinna dánu standa lofs-
yrða- og saknaðarstef. Svo lætur þá Masters hina
dauðu, sem hvila undir grafskriftunum, tala í ein-
lægni. Tvö hundruð og fjórtán manns úr þorpinu lýsa
æfi sinni, og það sýnir sig, að yfirleitt eru grafskrift-
irnar lygi. Flestir hafa liðið skipbrot á hamingju sinni,
og einmitt vegna þess, að þeir hafa ekki vegna ytri
forma þorað að vera i samræmi við sitt insta eðli,
en gengið. í þoku lífslyginnar. Smáatvikum, sem eng-
inn hefir tekið eftir, skýtur upp sem stórvægilegum
atburðum í lífi mannanna, og við sjáum samband
milli örlagaþráða hinna ýmsu persóna, samband, sem
yfirleitt hefir ekki verið veitt athygli. Það kemur fram,
að menn og konur hafa með tilliti til gildandi vel-
15*