Kirkjuritið - 01.10.1938, Blaðsíða 6

Kirkjuritið - 01.10.1938, Blaðsíða 6
336 Ásmundur Guðmundsson: Október. kapp á það, að Ieiða í Ijós veilur í trúarkenningum kirkj- unnar og rifu það niður, sem þeim virtist úrelt og skakt, og sumt af því mátti sannarlega falla. Þeir beittu mik- illi gagnrýni við rannsóknir sínar á ritum Biblíunnar og komust að nýjum niðurstöðum um uppruna sumra þeirra. Þeir létu stjórnast af vísindaáhuga og einlægri löngun til þess að fella alt annað úr gildi en það, sem væri satt. En ekki lifir neinn maður né nein þjóð, trúarlega eða siðferðilega, á þvi einu, að hin eða þessi trúarkenning kirkjunnar sé röng, eða margar missagnir finnist í rit- um Biblíunnar, eða þau séu samin á öðrum timum, eða af öðrum mönnum en hingað til hefir verið álitið. Þeir sem hafa lagt einhliða áherzlu á slíka gagnrýni hafa því stundum gefið hungruðum steina fyrir brauð. Hinir aftur á móti, eldri stefnu mennirnir, hafa ekki aðeins var- ið það, er þeim er heilagt og dýrmætt, svo sem rétt er og fagurt og skylt, heldur hafa þeir stöku sinnum í ákaf- anum ekki greint hveiti frá illgresi og rifið hveitið upp. Hjá þeim hefir einnig borið á neikvæðu starfi að því leyti, að helzt til mikið af þrólti þeirra hefir farið i það, að kveða upp þunga dóma yfir skoðunum nýju, og eldmóður þeirra nærst um of við baráttu gegn þeim, sem hugsað hafa í trúarefnum á annan veg en þeir. Stefna kirkjunnar á að verða jákvæðari. Það sem nei- kvætt er stoðar nú lítt eða ekki. Spurningin, sem borin er fram við kirkjuna af nútímakynslóðinni, er og verður þessi, brýn og skýlaus: Getur þú veitt mér það, sem svalar dýpstu þrá minni og gefur mér frið? Megnar þú að boða rikið, þar sem þeir, er hungi-ar og þyrstir eftir réttlætinu, munu saddir verða? Við þeirri spurningu þarf kirkjan að eiga ljóst svar. Já, meira en það. Hún verður einnig að sýna svarið með stefnu sinni. En hvernig? Hún á að benda til hans, sem einn hefir talað hið fullkomna Guðs orð — sem dirfðist að rísa gegn öllu lágu og lítilsigldu í kenniingum trúarbragðanna, jafnvel í helgiritunum hjá sinni eigin þjóð, og mæla með

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.