Kirkjuritið - 01.01.1939, Síða 46

10
Benjamín Kristjánsson:
Janúar.
og ræðir hún prúðinannlega og i bróðerni ágreiningsefni
sín og skiftar skoðanir, sem ávalt hljóta að verða, þar
sem mál eru íhuguð frá mörgum hliðum! Eða ber mest
á sundrunginni, valdagræðginni, ofstækisfullum fjand-
skap og bróðurvígum? Ilver af oss getur lokað augunum
fyrir því, að Jijóð vor, sem stóð mikið til einhuga i frelsis-
haráttunni og vann hana, hagar sér nú, að frelsinu fengnu,
miklu ver en ræningjarnir, sem vörpuðu lilulkesti um
kyrtil frelsarans. Óðara en fullveldið er að nafninu til
viðurkent, er stofnað til endalausra flokkadrátta og sund-
urlvndis. Valdagráðugir stjórnmálabroddar æsa mann á
móti manni og stétt á móti stétt. Og þegar ekki komasl
nógu margir að völdunum, eru búnir til nýir flokkar til
að berjast við þá, sem fyrir eru. Þyki fjandskaparefnin
samt ekki nógu mörg fyrir í landinu, eru fyrirmyndirnar
sóttar til útlanda og fluttar inn sem tízkufaraldur, hvaða
múgheiinska sem þar kemst á gang, hversu ólík og óskvld
sem hún er vorum lífsskoðunum og hugsunarhætti.
Þannig hefir verið unnið að því ósleitilega síðastliðin 20
ár, að kljúfa þjóðina i fleiri og fleiri andstæðar og fjand-
samlegar sveitir, sem síðan gangast að eins og grimmir
vargar út af hvaða smámáli sem er engum til gagns, nema
þeim lýðæsingamönnum, sem Jiurfa á þessu fólki að halda
til að láta það lyfta sér upp í valdasess.
ÖIl er þessi barátla að vísu háð i nafni hugsjónanna og
ættjarðarástarinnar. En þeim mun viðurstyggilegri eru
vinnubrögðin og ógæfusamlegri sem þau hafa á sér meira
vfirskin ættjarðarástar. Því víst er um það, að öll glóru-
laus og ofstækisfull múgmenska á sér ekki annað fyrir
höndum en að glata frelsinu. í skjóli flokksæsinganna grær
og hreinræktast í sálunum illgresi hatursins og hlutdrægn-
innar. Siðfræði flokkadráttanna er j'firleitt þessi: And-
stæðingurinn er réttlaus! Það má Ijúga á hann og fremja
hverskonar ranglæti á honum. Það er flokksdygð, að
troða hann ofan i skarnið. Bak við alla heimskuna og ó-
drengskapinn er samábyrgð múgsins.