Kirkjuritið - 01.02.1940, Side 10

48
Ásmundur Guðmundsson:
Febrúar.
Hið fyrra var „kirkjan og félagsmálin". Þingið lýsti þvi
vfir hiklaust, að þjóðfélagsvandamálin vörðuðu kirkjuna
og starf hennar. Það kannaðist við það hreinskilnislega,
að kirkjufélögin hefðu á því sviði drýgt margar syndir,
sem þau yrðu að leitast við, af fremsta megni, að bæta
fyrir. Ályktun þingsins var í stuttu máli á þessa leið:
Starf kirkjunnar að félagsmálum á ekki að vera neinn
aukaþáttur í starfi hennar, heldur á það að vera algerlega
innifalið í trúai’starfi hennar. Hún vinnur þetta félags-
starf að sama skapi sem liún niegnar að láta fagnaðar-
erindi Krists verða að frelsisuppsprettu fyrir mannlífið og
valdi, er umskapar það. En trúarstarf sitt fær kirkjan ekki
leyst réttilega af hendi, nema hún hafi djörfung til að
draga einnig félagslífið fyrir dóm samvizkunnar og láta
ljós kristindómsins falla á það. Framleiðslan á að vera
meðal en ekki mark. Hún á öll að vera undirstaða undir
andlegum framförum. Ef hún verður til þess að rýra
persónugildi einstaklinganna, þá verður hún rányrkja ti!
niðurdreps og bölvunar. Með ölluin, sem vinnuna stunda,
þarf bræðralag að ríkja.
En þótt þingið ætti aðallega að ræða um siðgæðismál,
urðu þó trúmálin efst á baugi. Spurningin mikla um
Guðs ríki varð höfuðmál þess. Er Guðs ríkið guðdómlegl
eða mannlegt? Eiga mennirnir að setja það á stofn og
það svo þróast hægl og hægt? Eða verður það fyrst að
veruleika við endi aldanna, og er hlutverk einstaklingsins
það eitt, að leita frelsis fyrir sál sina og annara úr viðjum
heimsins? Getur kristindómurinn í raun og veru gjörbreytt
öllum hag mannkynsins, eða er það barnaskapur að vænta
slíks í þessari svnduni spiltu veröld? Við þessum spurning-
um fengust ljós og fögur svör, m.a. á þessa leið: Guðs ríki
er af himni, en nær þó einnig til þessarar jarðar. Það er
eins og úti í sjóndeildarhringnum, þar sem renna saman
himinn, jörð og haf. Þannig blasa við okkur verkefni, sem
Guð hefir falið okkur og við getum byrjað á. En þegar
við höfum leyst þau af hendi, þá koma ný í ljós og sjón-