Kirkjuritið - 01.01.1948, Blaðsíða 36

34
KIRKJURITIÐ
Ég hefi gerzt hér svo f jölorður um dóm séra Matthíasar
á sálmum séra Valdimars, bæði af því að þar dæmdi sá er
kunni, og svo vegna þess, að mér finnst sá dómur að öllu
athuguðu vera sami dómurinn, sem íslenzka þjóðin hefir
kveðið upp. Það er hin skáldlega, ljóðræna snilld, heiðríkjan
og birtan, sem í sálmum og andlegum Ijóðum séra Valdi-
mars er fólgin, sem hrifið hefir hugi þjóðar hans fyrst og
fremst. En því fer mjög fjarri, sem sumir hafa haldið fram,
að sálma séra Valdimars skorti tilbeiðsluanda, trúaryl og
innileika. Virðist nægja að minna á nokkra þeirra til þess að
afsanna slíka sleggjudóma, sálma eins og þessa:
1 dag er glatt í döprum hjörtum. Þinn sonur lifir. Það
er svo oft í dauðans skuggadölum. Þótt holdið liggi lágt.
Hinn saklausi talinn er sekur. Nú árið er liðið. Þú Guð,
sem stýrir stjarnaher. Heyr þú mínar hjartans bænir. Ég
fel mig þinni föðumáð. Mitt höfuð, Guð, ég hneigi. Þinn
andi, Guð, til Jesú Krists mig kalli. Ef þú vilt mig hreinsa,
herra. Þá mæðubára rís. Ein kanversk kona.
Fleiri dæmi verða ekki talin. Mega þessi nægja til að
sýna, hve fjarri fer því, að trúartóninn skorti í sálma séra
Valdimars, þótt þá skorti marga trúfræði. Þjóð hans hefir
iíka fundizt annað, þá er hún fór að syngja þá, svo sem
séra Matthías spáði og sagði, þá er hann fór að kynnast
þeim og áhrifum þeirra í guðsþjónustunni. 1 þessu sam-
bandi er og vert að geta þess, að í Barna-sálmabókinni, er út
kom 1944, á séra Valdimar um 30 sálma af 107, sem í þeirri
bók eru. Þarf enginn að undrast það, þvi að ekkert sálma-
skáld vort kemst til jafns við Valdimar í þeirri list, að tala
bænar- og lofsöngsmál barnanna, nema séra Matthías einn.
En hans bamasálmar eru aðeins fáir. Hygg ég að allir þeir,
prestar og leikmenn, sem unnið hafa að barnaguðsþjón-
ustum og sunnudagaskólastarfi, séu á einu máli um það,
að í barnasálmum sínum sé séra Valdimar þeirra mesti
styrktarvinur.
Biblíuljóð séra Valdimars í tveim bindum, ljóðaflokkur
út af aðal-viðburðum Gamla og Nýja testamentisins, komu