Kirkjuritið - 01.01.1949, Side 47

SÉRA EINAR THORLACIUS
45
hennar við og við, þótt hann væri þá ekki þjónandi prest-
ur á félagssvæðinu. Synódus sótti hann iðulega og var
meðlimur Prestafélags Islands og sótti einnig fundi þess
kostgæfilega. Mikilsverðan stuðning veitti hann fjársöfn-
uninni til Hallgrímskirkjubyggingar í Saurbæ og mun
hafa verið einn af hvatamönnum til hennar, enda var
honum annt um allt, er laut að minningu Hallgríms
Péturssonar. Árið 1939 gerðist hann hvatamaður að stofn-
un Félags fyrrverandi sóknarpresta — eins og það félag
heitir nú — ásamt nokkrum öðrum fyrrverandi próföstum
°g Prestum. Hann var kosinn í fyrstu stjórn þess félags
og var í henni til dauðadags. Auk þess var hann fundar-
gerðaritari félagsins í 2*/2 síðustu árin og ritaði þar að
auki margar fundargerðir í forföllum annarra. Hann var
yfirleitt áhugasamasti félagsmaðurinn, sem ávallt sótti
fundi, nema alveg sérstök forföll hindruðu, hvatti menn,
nýflutta presta til bæjarins, til að ganga í félagið og undir-
bjó fundarstaði og annaðist um fundarefni. Honum er það
manna mest að þakka, að aldrei hefir fallið niður fundur
i félaginu frá stofnun þess, en þeir eru oftast haldnir
mánaðarlega, stundum hálfsmánaðarlega.
Séra Einar komst ekki hjá því að gera fleira en sinna
embættisverkum, eins og flestir prestir í sveitum. Hann
varð fyrst og fremst að stunda búskap til þess að sjá
sér og sínum farborða; prestslaunin á þeim árum hrukku
skammt til þess. Honum gekk búskapurinn ágætlega bæði
fyrir austan á Skarði og Fellsmúla og ekki síður í Saurbæ.
Hann var búmaður, eins og hann átti kyn til. Forfeður
hans í marga liði í móðurætt voru stórmerkir bændur og
margir auðugir. Frú Jóhanna hafði og verið afburðadugleg
búkona og gat að mestu sinnt um búið, þegar embætt-
is annarnar jukust hjá manni hennar og fleiri störf
drógu hann frá heimilinu, svo sem hreppsnefndar- og odd-
vitastörf, búnaðaxfélagsformennska, kaupfélagsstörf, sátta-
nefndarstörf, auk ýmsra almennra menningarmála sveit-
ar og héraðs, sem prestar í sveitum taka flestir drjúgan