Kirkjuritið - 01.09.1949, Blaðsíða 16
*
174 KIRKJURITIÐ
sál, að full ástæða er til að ganga með varúð um völund-
arhúsið og skyggnast gætilega um hálfluktar dyr. Góðir
læknar og grandvarir rithöfundar um sálfræðileg efni játa
allra manna fúsastir, hve þekking þeirra nær skammt og
úrræðin eru lítil. Ég tel því engan veginn ómögulegt, að
reynsla vor prestanna geti einnig upplýst fyrir þeim eitt
eða annað vafaatriði, sem fyrir þeim er á huldu, og geti
þannig hvor stutt annan, læknirinn og presturinn, en
báðir að einhverju leyti líknað þeim, sem eru lítilmagnar
og hjálparþurfa, svo að ég noti orð prestaheitsins.
Með ýmsu móti getur presturinn aflað sér þekkingar
á þessum efnum, svo sem með lestri góðra bóka, með því
að hlýða á fyrirlestra, ef haldnir eru við háskóla og aðrar
menntastofnanir, og væri jafnvel ekki úr vegi að hafa nám-
skeið í þessu og fleiru, einmitt fyrir starfandi presta, er
sjálfir hafa hlotið nokkura reynslu, sem þeir geta byggt
á sjálfstæðar athuganir. Loks geta skáldrit góðra rithöf-
unda gefið þýðingarmiklar upplýsingar um sálarlíf manna.
1 sálgæzlustarfinu kynnumst vér bæði Hamlet og Pétri
Gaut, Fjalla-Eyvindi og Galdra-Lofti. Loks er það ómetan-
legt fyrir oss að fá að kynnast því, hvernig eitt og annað,
sem vér lesum um í bókum, birtist í lífinu sjálfu. Geri ég
ráð fyrir, að læknirinn, sem talar á eftir mér, hafi í hyggju
að ræða nánar um þessa hlið málsins, og læt ég því hér
staðar numið. Þakka ég þeim, sem hlýddu, og bið velvirð-
ingar á því, hversu fátæklega ég hefi gert skil jafn þýð-
ingarmiklu málefni.
Jákdb Jónsson.