Kirkjuritið - 01.09.1949, Blaðsíða 57
PRESTASTEFNAN 1949
215
Þar er settur prestur séra Andrés Ólafsson, er nú hefir
sótt um brauðið og fær þar sennilega fljótlega veitingu,
þar sem hann er einn umsækjandi.
17. Skútustaðarprestakall í Suður-Þingeyjarprófastsdæmi, er
losnaði í þessum fardögum og hefir þegar verið auglýst
til umsóknar.
Alls eru hin óveittu prestaköll 17. Þetta er há tala, þegar
þess er gætt að öll prestaköll landsins eru aðeins 112 að tölu.
En í fjórum þessara prestakalla eru settir prestar og í hið
5. (Skútustaðarprestakall), vænti ég, að prestur komi fljót-
lega. Einnig er þess að geta, að ég hefi nú í vor, að fengnu
leyfi kirkjumálaráðuneytisins, sent guðfræðinema Gísla Kol-
beins til aðstoðarþjónustu í Austur-Skaftafellsprófastsdæmi, en
þar er prestsfæðin tilfinnanlegust. Sennilega mun og annar
guðfræðinemi starfa sem aðstoðarmaður prests, þó enn sé
eigi fullráðið, hvar það verður.
Enda þótt flest hin prestlausu prestaköll séu fremur fámenn,
er hér mikið alvörumál á ferðinni. Söfnuðirnir sætta sig
eðlilega illa við það að vera prestslausir ár eftir ár, og prests-
setrin ganga úr sér, þar sem víða gengur erfiðlega að fá ábú-
endur á þau, þar eð aðeins má leigja þau eitt ár í senn. Nú
virðist þó að ýmsu leyti horfa bjartar um þessi mál en oft
áður. Nemendum í guðfræðideild fer fjölgandi, og þyrfti að
verða áframhald á því. Þá mundi á skömmum tíma ráðast bót
á þessu vandamáli.
Á þessu ári hefir lítið verið um byggingu nýrra kirkna, og
stafar það bæði af dýrtíðinni og því, að erfiðleikar eru á að
nauðsynleg leyfi og útvega efni til slíkra nýbygginga.
í Reykjavík hefir verið haldið áfram smíði Laugarnesskirkju,
°g verður hún væntanlega vígð í haust. Neðri hæð kórbygg-
ingar Hallgrímskirkju á Skólavörðuhæð var lokið í ár, og var
hún vígð og tekin í notkun sunnudaginn 5. desember s. 1.
Enda þótt kapella þessi sé ekki ýkja stór, þá er hér eigi að
síður mjög bætt úr brýnni þörf, og mega bæði prestar og
söfnuðurinn fagna yfir þessari byggingu, sem jafnframt er
nierkur áfangi að því marki, sem að er keppt, að þarna rísi
íegursta kirkja landsins. Er þess að vænta að smíðinni verði
haldið áfram þar til byggingin er fullgjörð.