Kirkjuritið - 01.09.1949, Blaðsíða 67

PRESTASTEFNAN 1949
225
séra Guðmundur Sveinsson um Ras Shamra textana á Sýrlandi.
Að erindum þessum var gjörður hinn bezti rómur. Tveimur
hinum fyrst nefndu var útvarpað.
Boð fyrir prestana og frúr þeirra.
Fyrir hönd borgarstjóra héldu þau Tómas Jónsson borgar-
ritari og frú hans sýnódusprestum og frúm þeirra veglega
veizlu að Hótel Borg. Borgarritari bauð gesti velkomna með
ræðu, en biskup þakkaði. Ennfremur voru prestsfrúrnar í boði
á heimili biskups og prestamir að skilnaði síðasta kvöldið.
Prestastefnunni slitið.
Þegar afgreiðslu sýnódusmála var lokið, flutti biskup kveðju-
ræðu til prestanna. Minntist hann á ágreining þann, er ætti
sér stað um trúfræðileg atriði, en hvatti til drengilegrar fram-
komu þrátt fyrir allan ágreining, því að allir væru prestarnir
bræður og þjónar hins eina drottins. Það væri ekki fyrst og
fremst guðfræði og því síður trúfræðilegar deilur, sem þjóð-
in þarfnaðist nú, heldur einingar og aukins starfs allra kirkj-
unnar þjóna að eflingu trúar og siðgæðis í anda Jesú Krists.
Þá gengu menn til guðsþjónustu í kapellunni, og sleit biskup
þar prestastefnunni með Ritningarlestri og bænagjörð. Söng-
niálastjóri lék á orgelið, og einn nemenda hans, Guðmundur
Jónsson, söng einsöng.
Prestastefnan fór hið bezta fram. Þökkuðu prestar biskupi
að skilnaði með snjöllum ræðum störf hans þann áratug, sem
hann hefir nú verið biskup.
15