Kirkjuritið - 01.09.1949, Blaðsíða 75
Ferð um Norður-Múlaprófastsdœmi.
Eins og Kirkjuritið hefir þegar skýrt frá og lesendum mun
því kunnugt, samþykkti Kirkjuráðið að senda okkur séra
Magnús Guðmundsson í Ólafsvík í ferðalag um Norður-Múla-
prófastsdæmi, til þess að flytja prédikanir og erindi um kristin-
dómsmál.
Við lögðum af stað 11. júlí og mátti það ekki fyrr vera, til
þess að hægt væri að komast yfir landið, því að svo seint
urðu fjallvegir færir bílum á þessu sumri. Að kvöldi 13.
júlí komum við að Hofi í Vopnafirði til prófasts Jakobs Ein-
arssonar. Hafði hann auglýst ferðalag okkar og greiddi för
okkar hið bezta, svo sem hans var von og vísa. Starfinu var
hagað eins og áður hefir tíðkazt, þannig að séra Magnús
flutti guðsþjónustu, en ég flutti erindi að lokinni messu. Þar
sem prestur staðarins var viðstaddur, fór hann fyrir altari
á undan prédikun, en séra Magnús eftir prédikun. Fimmtu-
daginn 14. júlí fórum við yfir Sandvíkurheiði til Bakkafjarðar,
að Skeggjastöðum til séra Sigmars Torfasonar. Sandvíkurheiði
er ekki fær bílum og fengum við fylgdarmann og hesta í
Hvammsgerði norður á heiðina, en þar kom séra Sigmar á
móti okkur. Dvöldum við á heimili prestshjónanna til laug-
ardagsmorguns. Var sú dvöl ánægjuleg. Séra Sigmar á ágætt
heimili og vel upp alin böm og er áhugasamur trúmaður.
Föstudaginn 15. júlí var haldin guðsþjónusta í hinni gömlu
°g viðkunnanlegu Skeggjastaðakirkju. Kirkjusókn var allgóð,
Þegar miðað er við fólksfjölda og ástæður, og það var ánægju-
legt, að tiltölulega margir kirkjugestanna voru ungt fólk.
Menn stunda sjóinn þar um þetta leyti árs, og þessa dagana
var góður afli. Dró það að vonum úr kirkjusókn manna. Laug-
ardaginn 16. júlí flutti séra Sigmar okkur yfir heiðina, og
var það þægileg tilbreyting að ferðast á gæðingum hans.