Kirkjuritið - 01.09.1949, Blaðsíða 77
FERÐ UM NORÐUR-MÚLAPRÓFASTSDÆMI 235
altari. Barn var skírt í messunni. Eftir að við höfðum notið
gestrisni á heimilinu, var haldið fram í Fljótsdal.
Það hafði verið tilætlunin, að messa á báðum kirkjum presta-
kallsins, Ási og Valþjófsstað. Ef messa hefði getað byrjað kl.
1 á Kirkjubæ, hefði mátt halda guðsþjónustu síðdegis á Ási.
En það var gjört ráð fyrir, að slíkt myndi ekki takast, enda
varð sú raunin á. Við urðum því að sleppa Ási. Um nóttina
gistum við á Skriðuklaustri. Þar eru salakynni mikil og
góð og auðsjáanlega miðuð við stórbú. Daginn eftir, mið-
vikudaginn 20. júlí, var messað á Valþjófsstað. Tilraunastjóri
ríkisins á Skriðuklaustri, Jónas Pétursson, mun vera einn af
vorum vel hugsandi mönnum og áhugasamur um andleg mál.
Hann gaf öllu starfsfólki sínu leyfi frá störfum og selflutti
það á bíl sínum til kirkjunnar. Var það drjúgur hluti kirkju-
gestanna. Séra Marínó Kristinsson hafði verið fjarverandi
undanfarið og var nýkominn heim, og hafa því ef til vill orðið
einhver mistök um að auglýsa ferð okkar. Eftir að við höfðum
setið að kaffidrykkju hjá prestshjónunum að messu lokinni,
var haldið sömu leið til baka út að Eiðum og gist þar.
Fimmtudaginn 21. júlí var messað á Hjaltastað, og var
kirkjusókn þar sæmileg. Þaðan var svo haldið til Borgarfjarð-
ar. Komizt varð á bílum út að Unaós, en þaðan verður að
fara á hestum til Njarðvíkur. Var okkur útvegaður fylgdar-
maður og 4 hestar, en við vorum þá fjögur saman. Tekur ferð
sú að jafnaði tæpa tvo tíma, en dróst nokkuð lengur að þessu
sinni og réðu hestarnir því. Fylgd og hestlán kostaði 255
krónur. „Dýr myndi Hafliði allur“ datt mér í hug, því að dýr
rayndi ferð okkar orðin, ef við hefðum ferðazt þannig alla leið.
Annars er þetta verðlag ekki hið sama allsstaðar á þessum
slóðum. Fylgdin upp á Sandvíkurheiði, með 3 hesta, sem tók
ekki skemmri tíma, kostaði 130 krónur. Það er annars dýrt
að ferðast hér á landi. Fæði og herbergi kostar ekki minna
en 50 krónur á dag, og stundum meira, ef keyptar eru ein-
stakar máltíðir. Þetta er nú útúrdúr, en gæti orðið þeim til
nokkurrar leiðbeiningar, sem kynnu að hyggja á ferðalag
urn þessar slóðir. Nú hefir verið gjört bílfært um Njarðvíkur-
skriður, en fremur er sá vegur óheimlegur yfir að fara. Við
komum að Desjarmýri um kvöldið til séra Vigfúsar Ingvars
Sigurðssonar. Dvöldum við í góðu yfirlæti á hinu ágæta