Kirkjuritið - 01.04.1953, Síða 81

INNLENDAR FRÉTTIR
147
Kirkjuráðs. Ennfremur eiga sæti í því dr. Matthías Þórðarson
prófessor og Vilhjálmur Þór forstjóri.
Magnús Már Lárusson prófessor
hefir nýlega verið ráðinn ritstjóri af Islands hálfu að menn-
ingarsögulegri alfræðiorðabók um miðaldir Norðurlanda. Er
honum falið með þessu mjög mikilvægt trúnaðarstarf.
Prestastefna íslands
er boðuð dagana 19.—21. júní í Reykjavík. Verður dagskrá
hennar birt áður en langt um líður.
Andmæli kirkjuráðs.
Eitt hið fyrsta verk kirkjuráðs eftir kosninguna var að fjalla
um lög Alþingis um leigunám á prestssetursjörðum, sem samin
hafa verið og samþykkt í óþökk kirkjunnar. Var þessi ályktun
samþykkt með öllum atkvæðum:
„Kirkjuráð hinnar íslenzku þjóðkirkju lýsir óánægju og
undrun sinni yfir því, að Alþingi hefir nú afgreitt lög um leigu-
nám á prestssetursjörðum án þess að hafa leitað álits kirkju-
ráðsins, eins og lög nr. 21, 6. júlí 1931, gjöra ráð fyrir.
Telur kirkjuráðið lög þessi um leigunám vera mjög varhuga-
verð og geta orðið kirkjunni til tjóns, ef þau koma til fram-
kvæmda. Fyrir því beinir kirkjuráðið þeim óskum til kirkju-
málaráðherra, að hann noti sér ekki heimild þá, sem í þessum
lögum felst.“
Prumvarp um kirkjubyggingasjóð.
Kirkjuráð lýsti hins vegar ánægju sinni yfir frumvarpi Sig-
urðar Ó. Ólafssonar um kirkjubyggingasjóð og mælir hið bezta
með því.
Prestsvígsla.
Sunnudaginn 15. febrúar vígði biskupinn prestsvígslu þá guð-
fræðikandídatana Birgi Snæbjörnsson, Jónas Gíslason og
Magnús Guðjónsson, til Æsustaða, Víkur og Eyrarbakka presta-
kalla. Séra Birgir var settur prestur í Æsustaðaprestakalli frá
f • febrúar.
Aðalfundur Prestafélags fslands
verður ekki haldinn fyrr en á hausti komanda og boðaður
aður í Kirkjublaði og útvarpi með nægum fyrirvara, svo og
fundarmál.