Kirkjuritið - 01.02.1954, Blaðsíða 11

HÚSVITJANm OG KIRKJUSÓKN
57
Vafalaust á þetta hvorttveggja mjög mikinn þátt í að
efla kirkjusókn, góðar ræður og góður söngur, og má
hvorugt vanþakka né fella niður. Og þó er ef til vill enn
meira atriði í þessu efni, að hinar góðu ræður sýna áhuga
prestsins, löngun hans til góðs starfs, og dregur þannig að
sér þá, sem löngun hafa til þess að starfið gangi vel. Og
góður söngflokkur ber vitni um starfandi áhuga, sem einnig
litar út frá sér og smitar aðra. Hér eru vissulega á ferð
íRjög mikilsverð atriði. Söngflokkarnir ættu að reyna að
fá sem allra flesta til þátttöku, jafnvel þá, sem ekki munar
mikið um. Það má ekki gleymast, að eins og sálmabókin
er ekki fyrst og fremst Ijóðabók, eins er kirkjusöngurinn
ekki fyrst og fremst hljómleikar, heldur hjálparmeðal til
þess að lyfta hugunum á hátíðlegri stund. Og það má ekki
gleymast, að sjálft söngfólkið í kórnum er starfandi kirkju-
gestir. Svo fjölmennur getur kirkjukór verið, að hann einn
Seri sæmilega kirkjusókn. Þó að skiljanlegt sé, að góða
söngfólkinu sé ef til vill lítið um lélegri söngkraftana í
kirkjukórnum, þá er vonandi að þetta sjónarmið fái líka
að koma til greina.
En þó að við viðurkennum ýmis sjónarmið þeirra, sem
ekki sækja kirkju, þá verður þó ávallt eftir sú staðreynd,
að án kirkjusóknar staðnar blóðið í kirkjulíkamanum.
Eirkjusókn, sameiginlegar guðsþjónustur, eru megin atriði,
sem fylgt hefir kirkjunni frá fyrstu tíð. Fyrstu spurnir,
sem eru til af kristninni, utan kristnu ritanna, eru einmitt
Urn þessar samkomur kristinna manna. Þeir urðu að koma
saman, hlýða á orðið flutt, neyta máltíðar saman og helgr-
ar kvöldmáltíðar. 1 afskekktum loftstofum, eða í graf-
hýsum niðri í jörðinni eða úti á víðavangi, í hvömmum
eða skógarrjóðrum, — einhvers staðar urðu þeir að koma
saman, sækja kirkju. Og fyrstu ytri merki um það, að
kristnin er að eflast, eru kirkjuhúsin, sem fara að rísa af
grunni, stærri og stærri eftir því sem söfnuðirnir eflast.
Sama er enn, hvar sem kristni berst, hvort heldur er
til heiðinna landa eða eyðilanda, sem eru að byggjast.