Kirkjuritið - 01.07.1954, Page 8

294
KIRKJURITIÐ
hug orð Hebreabréfsins um guðsmenn gamla sáttmálans og
trú þeirra. Þar segir svo í niðurlagi: „Aðrir voru pyndaðir og
þáðu ekki lausnina, til þess að þeir öðluðust betri upprisu.
Aðrir urðu að sæta háðsyrðum og húðstrokum og þar á ofan
fjötrum og fangelsi. Þeir voru grýttir, þeir voru sagaðir sund-
ur, þeirra var freistað, þeir biðu bana fyrir sverði. Þeir ráfuðu
í gærum og geitskinnum, alls vana, aðþrengdir og illa haldnir.
Og ekki átti heimurinn slíka menn skilið.“
Já, þetta var þá, á löngu liðnum tímum. Nei, vinir, þetta
er enn. Enn vaða uppi hin illu öfl. Enn geisar Heródías og
heimtar höfuð Jóhannesar skírara á fati. Enn, á vorum dög-
um, hafa þúsundir kirkjunnar manna verið fangelsaðir, píndir
og deyddir bæði í austri og vestri og suðri. Enn fer Andkrist-
urinn um jörðina og beitir öllu sínu fláræði, ýmist fagur álitum
eða grimmlegur, ýmist í gervi vinar eða fjandmanns, ýmist
í mynd Satans eða í ljóssins engils mynd. Enn kveður við
tælandi röddin frá nánd skilningstrésins, eins og í Eden forð-
um: „Sannarlega munuð þið ekki deyja, heldur verða Guði
lík að þekkingu." Enn, og aldrei meir en nú, fer mállaus andi
í syni og dætur mannanna og þaggar niður lofgerðina til Guðs
og bænimar og þakkargjörðina og vitnisburðinn. Enn, og aldrei
meir en nú, hrópar lýðurinn og heimtar að tilbiðja gullkálfinn,
því að þeir viti ekki, hvað af Móse þeim er orðið.
En hér er þó allt öruggt, segja menn, hér hjá oss, engar
ofsóknir, engar hömlur á guðsdýrkun. Já, ég vænti þá líka,
að vér kunnum að meta það og notfæra oss það. Hér er hús,
sópað og prýtt. En munum þá líka, hvað Jesús sagði um hið
sópaða og prýdda hús. Er hér hjá oss hinn góði andi, eða
illur andi með sjö anda sér verri, sem hefir fundið hið sópaða
og prýdda hús?
Hér er vissulega Guðs góði andi með þjóð vorri. En verðum
þó ekki andvaralaus. Athugum vort sópaða og prýdda hús.
Hvar er hinn kristni söfnuður í voru kristna landi? Hvert
fara hundruðin og þúsundirnar á helgidögum og stórhátíðum?
Fylla þær hið sópaða og prýdda hús með lofsöng? Fylla þær
kirkjurnar? Ég las grein um góða veðrið og dásamlega vorblíð-
una á hátíð heilags anda nú fyrir skemmstu. Nú væri tækifærið
til þess að fara í skemmtiferðir í austur og vestur, á landi og
sjó og í lofti. Og nú væru samkomur í norðri og suðri. Og