Kirkjuritið - 01.07.1954, Blaðsíða 38
Séra Jón Guðnason hálfsjötugur,
Séra Jón Guðnason, skjalavörð-
ur, er fæddur 12. júlí 1889 á
Óspaksstöðum í Hrútafirði. Voru
foreldrar hans Guðni bóndi Einars-
son og kona hans Guðrún Jóns-
dóttir.
Séra Jón er stúdent frá Mennta-
skóla Reykjavíkur 1912 og kandí-
dat í guðfræði frá Háskóla íslands
1915. Hefir hann jafnan verið
hneigður til kennslu og gerðist
fyrst kennari í Flensborgarskóla,
en gerðist prestur á næsta ári,
1916, fyrst í Staðarhólsþingum og
því næst að Kvennabrekku um ára-
hug, til 1928, en þá að Prestsbakka í Hrútafirði. Hann var um
hríð skólastjóri héraðsskólans að Reykjum í Hrútafirði (1930
—32) og síðar kennari þar jafnframt prestsstörfum. Hann
lét af prestsskap 1948, og var þá skipaður skjalavörður í
þjóðskjalasafninu í Reykjavík.
Séra Jón gegndi mörgum og merkum trúnaðarstörfum, sem
hér verða ekki talin, nema það, að hann var alþingismaður
Dalamanna um hríð 1927 og skipaður í milliþinganefnd í kirkju-
málum 1929.
Séra Jón Guðnason er ágætur fræðimaður og hefir m. a. sam-
ið Viðbæti við íslenzkar æfiskrár dr. Páls E. Ólasonar og leið-
réttingar við I.—V. bindi þess rits, 300 þéttprentaðar blaðsíður,
geysimikið verk.
Kona hans er Guðlaug Bjartmarsdóttir frá Brunná í Saurbse
í Dalasýslu.
Kirkjuritið árnar honum heilla og heilsu til þess að vinna að
fræðimannsstarfi því, sem hugur hans stendur til.
M. J-