Kirkjuritið - 01.07.1954, Page 49

PRESTASTEFNAN
335
unga menn — nemendur mína í guðfræðideild. Ég heyrði hann
nefna sig loftkastalamann. Hann var það í beztu merkingu
þess orðs, því að allir kastalar eru í fyrstu loftkastalar, og
sumar hugsjónir hans, háar og djarfar, urðu að veruleika. Já,
eldmóður hans varð mörgum aflgjafi. Hjartað var hlýtt og
gott.
Síðast en ekki sízt vil ég telja það, sem oss mun öllum ljóst,
hve vel honum tókst með styrk ágætrar konu sinnar að láta
heimili sitt verða sameiginlegt heimili presta á íslandi. Hann
sagði við þá: „Lítið á þetta heimili sem ykkar heimili. Hingað
skuluð þið alltaf vera hjartanlega velkomnir hvenær sem er
og hvernig sem á stendur, hvort heldur er á nótt eða degi.“
^ar fundu menn beztu blómin gróa í brjóstum, sem að geta
fundið til. Og þaðan lagði ylrika strauma um land allt, kristni-
lífi þjóðarinnar til ómetanlegrar blessunar.
Þannig hefir biskupsembættið í vissum skilningi vaxið með
honum, og það er sannmæli, sem vinur hans og skólabróðir
skrifaði mér nýlega: Ég held, þrátt fyrir það, þótt dauft sé
víða enn, sé þó betra að taka við af honum en að hann hefði
ekki verið búinn að starfa. Þessi yfirlætislausu orð eru betri
en löng lýsing á honum.
Vér minnumst og þökkum og rísum úr sætum til hljóðrar
bænar fyrir honum og ástvinum hans, þjóð og kirkju, öllu, sem
hann unni.
Á sýnodusárinu hafa látizt fimm prestar.
Séra Kristinn Daníelsson, prófastur og alþingismaður, and-
aðist 10. júlí, 92 ára að aldri, fæddur 18. febrúar 1861. Hann
var prestur að Söndum í Dýrafirði 1884—1903 og að Útskálum
1903—1916, síðustu 2—3 árin prófastur jafnframt í Kjalamess-
Prófastsdæmi. Ýms önnur virðuleg trúnaðarstörf voru honum
falin, þannig var hann amtráðsmaður í Vesturamtinu 1897—
1903 og alþingismaður 1909—1911 og 1913—1919, forseti sam-
einaðs Alþingis 1914—1917. Mörg síðari starfsárin var hann
ritari í Landsbankanum og gerðist einn af helztu forystumönn-
Sálarrannsóknafélags Islands.
Hann kvæntist Idu Halldórsdóttur Friðrikssonar yfirkennara
1886. Hún lézt 1909. Þau eignuðust sex böm.
Séra Kristinn var prýði sinnar stéttar, rækti prestsstarfið