Kirkjuritið - 01.07.1954, Síða 59
PRESTASTEFNAN 345
inum Sigurður Birkis söngmálastjóri, og efa engir, sem til
þekkja, að þar sé réttur maður á réttum stað.
Hinn almenni bænadagur var haldinn, eins og undanfarin ár,
5. sunnudag eftir páska, eða 23. maí að þessu sinni. Eftir þeim
fregnum að dæma, sem mér hafa borizt, virðist þjóðinni þykja
vænt um þennan dag og hún vilja sækja guðsþjónustur þá í sem
flestum kirkjum landsins.
Dr. Sigurgeir biskup vísiteraði Eyjafjarðarprófastsdæmi dag-
ana 28. júní til 13. júlí, m. a. heimsótti hann Grímsey. í haust
vísiteraði hann nokkrar kirkjur í Kjalarnessprófastsdæmi og
astlaði að vísitera þær allar, en entist ekki aldur til þess.
Vísitazíur þessar voru sem hinar fyrri ágætlega sóttar og
mikilvægur þáttur í starfi biskups.
Biskup fór einnig utan ásamt frú sinni, og voru þau heiðurs-
gestir Norðmanna við hátíðarhöld 16. júlí—2. ágústs í Þránd-
heimi til minningar um það, að 8 aldir voru liðnar frá stofnun
erkibiskupsstóls í Niðarósi. I þessari för flutti biskup prédikun
í Niðaróssdómkirkju og erindi um kirkju íslands í Þingvallar-
kirkju. Biskup sat fund framkvæmdaráðs Heimssambands
lúterskra kirkna 27. júlí.
Ýmsir kirkjulegir fundir hafa verið haldnir á synódusárinu,
svo sem aðalfundur Prestafélags íslands og deilda þess. Var
Prestafélagsfundurinn 14. og 15. október og aðalmál hans hús-
vitjanir. Stjórnamefndarmenn voru endurkjörnir, og hefi ég
einnig verið formaður þess þetta árið.
Skálholtshátíð var haldin eins og undanfarin ár sunnudaginn
næstan Þorláksmessu á sumri. Hófst hún með guðsþjónustu
í kirkjunni, dr. Bjami Jónsson vígslubiskup þjónaði fyrir altari,
en dr. Friðrik Friðriksson prédikaði. Aðalræðu á útisamkomu
öutti dr. Björn Sigfússon. Hátíðin var haldin á vegum Skál-
holtsfélagsins. Formaður þess er Sigurbjöm Einarsson pró-
fessor.
K.F.U.M. í Reykjavík gekkst sem áður fyrir sumarmóti ungs
fólks í Vatnaskógi.
Stofnfundur að „Samtökum presta og lækna“ var haldinn í
Reykjavík 22. júní. Frumkvæði þeirrar félagsstofnunar af
hálfu presta átti einkum séra Magnús Guðmundsson í Ólafsvík,
°g komu að tilhlutun hans á stofnfund þenna þeir Willy Baun-