Kirkjuritið - 01.07.1954, Page 63

PRESTASTEFNAN 349
kennisbúning .... og ber ríkissjóði að leggja hann til, starfs-
manni að kostnaðarlausu.
Nú gegnir starfsmaður samkvæmt ákvörðun stjórnarvalds
jafnhliða sínum starfa öðrum starfa, og fær hann þá hálf þau
föstu byrjunarlaun, er þeim starfa fylgja, og aukatekjur allar.
Við samning reglugerða samkvæmt lögum þessum svo og við
endurskoðun þeirra, skal jafnan gefa B.S.R.B. kost á að fylgj-
ast með.
Sama er að segja um breytingar á lögum um lífeyrissjóð
starfsmanna ríkisins sem áður nefnd lög, að þau taka ekki
til presta sérstaklega. Lífeyrisgreiðsla hækkar um 2% fyrir
hvert ár, sem sjóðfélagi frestar að taka ellilífeyri, eftir að
árgjaldagreiðslu hans er lokið.
Á fjárlögum fyrir 1954 eru veittar þessar fjárhæðir:
Til endurbóta á gömlum íbúðarhúsum á prests-
setrum....................................... kr. 500.000
Viðbót við eftirlaun fátækra uppgjafapresta og
prestsekkna ................................... — 75.000
Til byggingar á prestssetrum ................... — 1.350.000
Til byggingar prestsseturshúss á Hólum ......... — 100.000
Til útihúsa á prestssetrum...................... — 350.000
Heimilt er að verja allt að 24.000 kr. til þess að greiða
Prestum þeim húsaleigustyrk, er eigi hafa afnot embættisbú-
staða. Fékk ég hækkað í 750 kr. á mánuði.
Þessar fjárhæðir allar eru mikils til of lágar, enda er svo
komið, að taka verður lán til þess að koma upp prestsseturs-
húsum eða gjöra við þau og greiða þau af fjárveitingum síðari
ara. Þannig er þessum f járveitingum í rauninni ráðstafað löngu
fyrir fram. Og þyrfti nú á næsta árs fjárlögum að fá þá upp-
hæð til þessara framkvæmda, að allar áfailnar skuldbindingar
verði greiddar að fullu og helzt unnt að byggja fjögur hús
á ári, svo sem ætlazt var til í upphafi, er þessi lög voru sett.
Með því móti ætti að mega tryggja það, að innan fárra ára
Verði prestar í öllum prestaköllum landsins, því að nú bíða
margir kandidatar þess að fara út í prestsskap og fjöldi nem-
enda er í guðfræðideild.
Til endurreisnar Skálholtsstaðar hefir Alþingi heimilað ríkis-