Kirkjuritið - 01.07.1954, Síða 66
352
KIRKJURITIÐ
Ég tel það rétt, að þjóðinni allri gefist kostur á að fylgjast
sem bezt með starfi og hag kirkjunnar, því að ekki varðar
hana annað meir. Þjóðarsaga íslendinga og kristnisaga hafa
verið svo nátengdar hvor annarri á liðnum öldum, að þær
verða eigi greindar sundur. Og mun svo enn verða á komandi
tímum. Lífsstraumur kristninnar, sem skýrslur bera vitni um,
en geta þó aldrei lýst til hlítar, á að snerta hvert hjarta.
Heill og heiður þeim, sem vel hafa unnið og dyggilega.
Guðsþjónustur og altarisgöngur.
Guðsþjónustur árið 1953 voru samkvæmt skýrslum prestanna
4502 eða 121 fleiri en árið áður.
Almennar guðsþjónustur voru 3423, 3388 árið áður. Barna-
guðsþjónustur 685, 568 1952.
Aðrar guðsþjónustur 394, en 415 árið áður.
Altarisgestir voru 6858 eða lítið eitt fleiri en árið áður, en
þá voru þeir 6717.
Útvarpsguðsþjónustur voru um 75 og prédikuðu 19 prestar.
Fyrirlestrar og kveðjur.
Um kvöldið flutti dr. Richard Beck útvarpserindi á vegum
prestastefnunnar. Fjallaði það um trúrækni og þjóðrækni í sögu
og lífi Vestur-íslendinga. En næsta kvöld flutti séra Sigurður
Stefánsson útvarpserindi um séra Jón Þorláksson á Bægisá og
skáldskap hans.
Þriðjudag 22. júní hélt fundum prestastefnunnar áfram-
Hófust þeir kl. 9,30 f. h. með morgunbænum í kapellu Háskól-
ans, er séra Magnús Guðmundsson í Ólafsvík flutti. Síðan voru
fluttar kveðjur frá kirkjufélögum erlendis. — Fyrstur tók til
máls dr. Carl Lund-Quist framkvæmdastjóri Heimssambands
lúterskra kirkna, en íslenzka þjóðkirkjan er í því sambandi.
Lýsti hann gleði sinni yfir því að hafa haft tækifæri til þess að
heimsækja landið og vera hér viðstaddur biskupsvígsluna. Væri
það von sín, að koman hingað mætti verða til þess að treysta
enn böndin á milli íslenzku kirkjunnar og kirknasambandsins
og hinna einstöku kirkna innan þess. Taldi hann kirkjur allra
landa nú þurfa að sameinast betur en nokkru sinni fyrr til
þess að vinna að því að leysa hin miklu vandamál yfirstandandi
tíma, og nefndi þar meðal annars flóttamannavandamálin.