Kirkjuritið - 01.07.1954, Qupperneq 67
PRESTASTEFNAN
353
Næstur talaði dr. Harald Sigmar fyrir hönd Sambands lút-
erskra kirkna í Ameríku og Hins evangelisk lúterska kirkju-
félags íslendinga í Vesturheimi, og flutti íslenzku kirkjunni og
hinum nývígða biskupi hennar ámaðar- og blessunaróskir. Þá
talaði dr. Richard Beck fyrir hönd hins Sameinaða kirkjufélags
íslendinga í Vesturheimi og fyrir hönd Þjóðræknisfélagsins.
Ræddi hann um hið nána samband, sem ætíð hefði verið á milli
trúar og kirkju annarsvegar og þjóðemis og tungu hinsvegar
nieð Vestur-íslendingum. Talaði um þau traustu bönd, sem
tengdu Islendinga vestan hafs heimalandinu og árnaði að lok-
um biskupnum, kirkjunni og þjóðinni heilla og blessunar Guðs.
Biskup þakkaði kveðjurnar og þann hlýhug, sem þær lýstu
í garð íslenzku kirkjunnar og sín, og bað fulltrúana að bera
kveðjur sínar og þakkir til sinna kirkjufélaga.
Aðalmál preststefnunnar.
Þá var tekið fyrir aðalmál prestastefnunnar að þessu sinni:
Kirkjan og líknarmálin. Fluttu þar framsöguerindi séra Jakob
Jónsson um slysavarnir, séra Þorsteinn L. Jónsson um starf
Jyrir sjúka, séra Gunnar Árnasoon um starf fyrir drykkju-
fnenn og séra Einar Sturlaugsson um kristniboð. Allmiklar um-
ræður urðu um málið.
Prestastefnunni var haldið áfram kl. 9,30 næsta morgun.
Voru fyrst morgunbænir, sem séra Einar Guðnason flutti, en
siðan hófust framhaldsumræður um aðalmál prestastefnunnar,
kirkjuna og líknarmálin. Framsögumaður var séra Árelíus
Níelsson, er talaði um störf fyrir fanga. Að því loknu talaði
séra Jónas Gíslason um helgidagalöggjöfina, og séra Páll Þor-
leifsson um sjómannastofur.
Eru hér á eftir birtar ýmsar ályktanir, sem prestastefnan
gerði í framhaldi þessara umræðna.
Fundur með próföstum.
Eins og að framan segir sátu allir prófastar landsins þessa
Prestastefnu, og mun það aldrei hafa komið fyrir áður. Hélt
biskup fund með próföstum landsins, og sátu hann allir pró-
fastar að einum undanskildum, sem þurfti að fara úr bænum.
Þá fór fram kosning tveggja manna í stjórn Kirkjubyggingar-
23