Kirkjuritið - 01.10.1957, Blaðsíða 27
Syngjum okkur saman
Erirtdi það, sem hér birtist, flutti frú Hanna Karlsdóttir í
Holti á söngmóti Kirkjukórasambands Rangárvallaprófastsdæmis
að Gunnarshólma í Landeyjum 18. nóvember 1956.
Fyrir hönd stjórnar Kórasambandsins vil ég þakka ykkur
öllum, sem að því hafið unnið, að við gætum haldið þetta
söngmót, kórfélögunum, sem æft hafa og mætt til þess að
leggja fram sinn skerf, organleikurum og söngstjórum. Og síð-
ast en ekki síst söngkennaranum hr. Jakobi Tryggvasyni. An
hans leiðbeiningar og ötullar kennslu, hefðum við ekki getað
haldið þetta söngmót. Og ég er viss um það, að við hér í
prófastsdæminu munum lengi búa að þeirri örfun, sem starf
hans hér hefir orðið okkur. Fyrir þetta vil ég þakka honum
hjartanlega.
Eg vil einnig þakka þeim, sem hér hafa flutt ræður og
ávörp, til þess að gera okkur þýðingu söngmenntarinnar ljós-
ari, og gera efnisskrá okkar fjölbreyttari. — Þá vil ég þakka
söngmálastjóranum, hr. Sigurði Birkis, fyrir hina hlýju kveðju
hans. Hann ætlaði sér að vera hér gestur okkar í dag, en gat
því miður ekki komið vegna lasleika.
En ég vil einnig þakka ykkur, sem sótt hafið þetta söngmót,
°g stutt okkur með velvilja, svo að við gætum haldið það hér í
þessu húsi, með því hafið þið sýnt skilning ykkar á því, að hér
er um mikilvægt menningarstarf að ræða, þó að frammistöðu
okkar kunni að vera í ýmsu ábótavant. En það er nú einu
sinni svo, að það er ekki árangurinn einn, heldur viðleitnin,
sem heldur við lífi áhugans og eflir kraftana, í hverri tilraun
okkar mannanna til þess að auðga lífið og fegra. Þegar við-
leitnina þrýtur, leggst hönd sljóleikans og dauðans yfir allt.
Það er okkur öllum jafnt skylt að efla sönginn í kirkjum lands-
ins, og vildi ég fegin leggja lið mitt til þess, að hann mætti