Kirkjuritið - 01.10.1958, Qupperneq 20

354
KIRKJURITIÐ
una. Meðal heiðingja í Rómaveldi var krossinn merki svi-
virðingar og bölvunar, en með krossdauða Krists hófst helgi
hans og dul.
Þríhyrningur er tákn heilagrar þrenningar, Guðs föður,
Guðs sonar og Guðs heilags anda, og felur því í sér allar
æðstu hugsjónir mannshugans. Stundum er auga teiknað
eða mótað innan í þríhyrningnum, og er þá lögð áherzlan
á alls staðar-nálægð og alskyggni Guðs. Enn fremur getur
þríhyrningur táknað þrívídd rúmsins. Það er að segja alver-
una og alheiminn.
Hvít dúfa er tákn heilags anda, sem færir tilverunni frið
og mildi af hæðum og boðar velþóknun Guðs.
Hringur er tákn eilífðarinnar og hinnar undarlegu hring-
rásar, sem flestir hlutir virðast háðir, sbr. sólarhringur, árs-
hringur, hringrás mannsævinnar, brautir stjarnanna.
Regnbogi er tákn sambandsins milli Guðs og manna, him-
ins og jarðar, tíma og eilífðar, sýnilegs og ósýnilegs, og oft
nefndur friðarbogi í þeirri merkingnu, þar eð dýrð hans boð-
ar mildi og náð Guðs yfir syndugri sál.
Slangan táknar freistingu, synd og hrösun, yfirleitt hið illa
og hættulega.
Pálmagrein merkir sigur, upprisu og ódauðleika.
Pálmagreinar voru sigurtáknin í kappleikum Forn-Grikkja
og nefndust „stefanos“, þar af nafnið Stefán, sem þýðir
sigursveigur.
Fiskur er eitt hið elzta tákn fyrir Krist sjálfan og kemur
fyrir í katakombunum í Róm, en þar finnast einmitt flest
þessi tákn i sinni upphaflegustu mynd. Þau voru þá tjáning-
arform kristna fólksins, þegar það gat varðað líf og limu að
tjá sig i orðum og riti, en svo var oft á ofsóknartímum.
Fiskur er á grísku „ikþys“, en stafirnir í því orði mynda
upphafsstafina í grísku orðunum, sem tákna orðin: Jesús
Kristur, Guðsson, frelsari.
Lamb og vínviður gátu líka táknað Krist, allt eftir því, sem
leggja þurfti áherzlu á í eðli hans eða boðskap hverju sinni;
en auðveldast er i því sambandi að skilja og nota fangamark