Kirkjuritið - 01.10.1958, Blaðsíða 23

KIRKJURITIÐ
357
sækja sjúka og aðstoða prestinn á allan hátt. Erum við ákaflega hrifnir
af þvi að hafa Systur Ólsen, eins og hún er nú kölluð, til starfa i Kirkju-
félaginu. Hún stjórnaði morgunhænum einn morguninn, og fórst það
sérstaklega vel, talaði af festu og skörungsskap, trúarhita og þekkingu.
Þau nýmæli voru á þessu þingi, að við höfðum safnað saman öllum
þeim skýrslum, sem gefa átti á þessu þingi, fjölritað þær og bundið í bók.
Var þeim svo útbýtt í byrjun þings, og gátu fulltrúar alltaf haft þær
hjá sér og vitnað i þær eða glöggvað sig á ýmsu i sambandi við l)ing-
störfin. Þá fjölrituðum við einnig fundargerðirnar að loknum þingfund-
um og útbýttum þeim að morgni. Var það töluverð vinna, en ég hafði
mér til aðstoðar sérlega góða skrifstofustúlku, sem gat vélritað næstum
jafn hratt og ég gat talað! Var þetta til þess að auka möguleika þing-
fulltrúa til að fylgjast sem bezt með öllu og athuga strax, ef eitthvað
hafði fallið niður eða var missagt. Líkaði, held ég, öllum þetta vel. Og
býst við, að þetta verði gert áfram, enda þótt það sé töluverð aukavinna.
Kosningar urðu ekki eins „byltingarkenndar“ og seinast, þar sem
allir stjórnai-meðlimir Kirkjufélagsins voru endurkosnir, séra Eric H.
Sigmar, forseti, séra Valdimar J. Eylands, varaforseti, ég ritari, og Oscar
Björklund, gjaldkeri. Næsta þing verður haldið í Selkirk, þar sem séra
Sigurður Ólafsson hefir þjónað. Hefir hann nú látið af störfum, en mað-
ur að nafni Edward Day tekið við. Hann er ekki af islenzkum ættum
og kunni ekki islenzku, en hann hefir lagt sig allan fram við að læra
islenzkuna, kann t. d. Faðirvorið á islenzku og les það með gamla fólk-
innu, þegar hann er að húsvitja. Þá er hann einnig farinn að lesa pistil
og guðspjall við íslenzku messurnar, sem eru mánaðarlega, en séra Valdi-
mar Eylands prédikar fyrir þá. Er þetta mjög lofsvert hjá honum. f
sambandi við skilning presta innan kirkjufélagsins, sem ekki eru íslenzk-
ir, á verðmætum islenzkrar menningar, mætti einnig minnast á það, að
alötulasti sölumaður Sameiningarinnar var séra John Fullmer, sá sem
tók við af séra Braga Friðrikssyni á Gimli. Hann skilur ekkert nema já
og nei í íslenzku, samt hafði honum tekizt að afla Sameiningunni 12
nýrra áskrifenda! Hann bað mig um að segja sér fyrst, hvað væri í
henni, síðasta eintakinu, og svo gekk hann á meðal fslendinganna og
sýndi þeim greinarnar og sagði þeim, um hvað þær væru, alveg eins og
hann gæti lesið þetta allt saman! Þau eru sannarlega sterk íslenzku áhrif-
tn og sem betur fer „smitandi11!
Síðasta dag þingsins var haldið yfir að Gimli og Elliheimilið Betel var
skoðað. Þar eru dásamlegar umbætur. Nýja heimilið og hið gamla end-
urbætt standa ekki að baki beztu hótelum. Enda er gamla fólkið ánægt.