Kirkjuritið - 01.10.1958, Side 24

358
KIRKJURITIÐ
Ég spurði einhvern, hvernig honum liði. Sá brást ókvæða við og spurði
mig, hvernig ég héldi að honum liði nema vel á svona dásamlegum stað!
Og það er eins og annar andi hafi tekið við á heimilinu, það er alls staðar
bros og létt skap. Er nú næst á dagskrá að reyna að byggja eitthvert
hús, þar sem það gæti fengizt við einhverja vínnu, og standa vonir til, að
það geti orðið bráðlega. Fór mjög vel á því, að hinu 74. Kirkjuþingi ís-
lenzka líirkjufélagsins lyki á Betel, þar sem varla heyrist enskt orð og
einhver sá alíslenzkasti andi ríkir, sem ég þekki. Mér finnst Betel islenzk-
asta heimilið í heimi.
Ólafur Skúlason.
Upphafsvers Lilju
sungið við konungsvígslu.
Við vígslu Ólafs Noregskonungs í Niðarósi í vor var sung-
ið eftirfarandi erindi úr Lilju við lag eftir norska tónskáld-
ið Alf Hurum:
Almáttigr guð, allra stétta
yfirbjóðandi engla og þjóða
ei þurfandi stað né stundir,
stað haldandi í kyrrleiksvaldi,
senn verandi úti og inni,
uppi og niðri og þar í miðju,
lof sé þér um aldr og ævi,
eining sönn í þrennum greinum.
Versið var sungið á íslenzku strax að lokinni fyrirbæninni
fyrir kónginum og Konungssöngnum. í kómum voru um
100 manns. Jóhannes Smemo yfirbiskup Norðmanna skrifar:
„Jeg tör trygt forsikre, at dette leddet i gudstjenesten virket
meget sterkt og bidrog til á knytte dagen sammen med den
rike gamle historie, som vi har felles ogsá med Island.“
G.Á.