Kirkjuritið - 01.10.1958, Blaðsíða 26

Kirkjuritið - 01.10.1958, Blaðsíða 26
360 KIRKJURITIÐ Séra Þorvarður fóstraði um hrið Hannes Finnsson, er síðar varð biskup, og gaf honum 60 hundruð eftir sinn dag, og jörðina Kambshól í Svínadal gaf hann til fátækra barna uppfræðingar i Saurbæjarsókn. Séra Þor- varður samdi langar prédikanir út af pislarsögu Krists, en þær hafa ekki verið prentaðar. Hann var ráðsvinnur maður og fésæll, guðhræddur, spakur og stöðuglyndur, siðavandur og reglufastur, og sæmilegur í prests- verkum, og var haldinn með merkilegustu prestum i Skálholtsstifti á sinni tið, segir í prestaæfum Daða Níelssonar. Hann var þannig í Saurbæ öll prestsskaparár sín, 46 eins og áður er sagt, og andaðist þar 1775. Fimmti: Björn Þorgrimsson kom þangað árið 1775 og var þar 11 ár. Séra Björn var einn af merkisprestum í Saurbæ og prófastur þar i sýslu. Var hann sonur Þorgríms Sigurðssonar sýslumanns i Hjarðarholti. Það- an er Thorgrimsensættarnafnið, og var Þorgrímur sýslumaður langafi Guðmundar Thorgrimsen verzlunarstjóra (1841—86) á Eyrarbakka, en afi séra Þorgrims, er síðar var prestur i Saurbæ. Séra Björn varð pró- fastur 1783, en flutti frá Saurbæ að Setbergi i Eyrarsveit 1786. Var þá við úttektina séra Eiríkur Vigfússon í Beykholti, siðar prófastur þar, en viðtakandi séra Jón Oddsson Hjaltalín. Um úttektina er þess eins get- andi, að prófastur hafði gefið kirkjunni altarisklæði, sem enn er til i Saurbæ og notað, af „fínu, rauðu rósaplussi", fóðrað og „með gulum silkifrunsum, samt bróderuðum kransi, nöfnum og ártali í miðju fyrir kirkjuleg sýslumanns Thorgríms Sigurðssonar d; 1785 og þriggja barna prófasts utan kirkju". Séra Björn varð einnig prófastur í Snæfellsnes- sýslu 1793. Sagði af sér prestsembætti 1816, eftir 42 ár, og dó 1832, 83 ára að aldri. Sjötti: Jón Hjaltalin. Kom að Saurbæ, eins og áður er sagt, árið 1786; var hann skáld og orti tiðarímur (vísur), skógarbrag o. m. fl. Hann var sonur Odds lögsagnara á Rauðará í Reykjavík, Jónssonar Hjaltalins sýslumanns í Kjósar- og Gullbringusýslu. Prestur var hann fyrst 1777 að Hálsi í Hamarsfirði (Djúpavogi), svo að Kálfafelli á Siðu 1780, Hvammi i Norðurárdal 1783, Saurbæ 1786 og loks að Breiðabólstað á Skógarströnd 1811—1834. Dó þar 1835, 86 ára. Var prestur i Saurbæ 24 ár, en alls 57 ár. Tvígiftur og átti mörg börn. Meðal barna hans var Jón Hjaltalín landlæknir, er var fæddur í Saurbæ. Sjöundi: Þórður Jónsson. Kom árið 1811 og var aðeins 4 ár. Hann var sonur Jóns bónda í Flekkudal í Kjós, Jónssonar prests að Reynivöll- um Þórðarsonar. Vígður að Kaldaðarnesi í Flóa 1798. Hafði brauðaskipti eftir 4 ár í Saurbae við prest í Lundi í sömu sýslu og flutti þangað 1815. Var prestur 35 ár, dó 1834, 65 ára.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.