Kirkjuritið - 01.10.1958, Síða 26

360
KIRKJURITIÐ
Séra Þorvarður fóstraði um hrið Hannes Finnsson, er síðar varð biskup,
og gaf honum 60 hundruð eftir sinn dag, og jörðina Kambshól í Svínadal
gaf hann til fátækra barna uppfræðingar í Saurbæjarsókn. Séra Þor-
varður samdi langar prédikanir út af píslarsögu Krists, en þær hafa ekki
verið prentaðar. Hann var ráðsvinnur maður og fésæll, guðhræddur,
spakur og stöðuglyndur, siðavandur og reglufastur, og sæmilegur i prests-
verkum, og var haldinn með merkilegustu prestum í Skálholtsstifti á
sinni tíð, segir í prestaæfum Daða Níelssonar. Hann var þannig i Saurhæ
öll prestsskaparár sín, 46 eins og áður er sagt, og andaðist þar 1775.
Fimmti: Björn Þorgrímsson kom þangað árið 1775 og var þar 11 ár.
Séra Bjöm var einn af merkisprestum í Saurbæ og prófastur þar i sýslu.
Var hann sonur Þorgríms Sigurðssonar sýslumanns í Hjarðarholti. Það-
an er Thorgrimsensættamafnið, og var Þorgrímur sýslumaður langafi
Guðmundar Thorgrimsen verzlunarstjóra (1841—86) á Eyrarbakka, en
afi séra Þorgrims, er síðar var prestur í Saurbæ. Séra Bjöm varð pró-
fastur 1783, en flutti frá Saurbæ að Setbergi í Eyrarsveit 1786. Var þá
við úttektina séra Eirikur Vigfússon í Reykholti, siðar prófastur þar, en
viðtakandi séra Jón Oddsson Hjaltalin. Um úttektina er þess eins get-
andi, að prófastur hafði gefið kirkjunni altarisklæði, sem enn er til í
Saurbæ og notað, af „finu, rauðu rósaplussi", fóðrað og „með gulum
silkifmnsum, samt bróderuðum kransi, nöfnum og ártali í miðju fyrir
kirkjuleg sýslumanns Thorgrims Sigurðssonar d. 1785 og þriggja barna
prófasts utan kirkju“. Séra Björn varð einnig prófastur í Snæfellsnes-
sýslu 1793. Sagði af sér prestsembætti 1816, eftir 42 ár, og dó 1832, 83
ára að aldri.
Sjötti: Jón Hjaltalin. Kom að Saurbæ, eins og áður er sagt, árið 1786;
var hann skáld og orti tíðarímur (vísur), skógarbrag o. m. fl. Hann var
sonur Odds lögsagnara á Rauðará í Reykjavik, Jónssonar Hjaltalins
sýslumanns í Kjósar- og Gullbringusýslu. Prestur var hann fyrst 1777
að Hálsi i Hamarsfirði (Djúpavogi), svo að Kálfafelli á Siðu 1780,
Hvammi í Norðurárdal 1783, Saurbæ 1786 og loks að Breiðahólstað á
Skógarströnd 1811—1834. Dó þar 1835, 86 ára. Var prestur í Saurbæ
24 ár, en alls 57 ár. Tvígiftur og átti mörg börn. Meðal barna hans var
Jón Hjaltalin landlæknir, er var fæddur í Saurbæ.
Sjöundi: Þórður Jónsson. Kom árið 1811 og var aðeins 4 ár. Hann
var sonur Jóns bónda í Flekkudal í Kjós, Jónssonar prests að Reynivöll-
um Þórðarsonar. Vígður að Kaldaðamesi í Flóa 1798. Hafði brauðaskipti
eftir 4 ár í Saurbæ við prest í Lundi í sömu sýslu og flutti þangað 1815.
Var prestur 35 ár, dó 1834, 65 ára.