Kirkjuritið - 01.10.1958, Blaðsíða 32

Kirkjuritið - 01.10.1958, Blaðsíða 32
366 KIRKJfJRITIÐ prestakall sameinað Saurbœ; voru þar 2 kirkjur, að Melum og Leirá. Séra Þorvaldur tók við þessu sameinaða prestakalli, en þar sem hann var þá kominn nær sjötugu, er ekki ósennilegt, að sá erfiðisauki hafi flýtt fyrir afsögn hans,, þó hann léti svo um mælt, að velta mætti tómri tunnu um prestakallið. Litlu síðar var þó Melakirkja sameinuð Leirár- kirkju, Kirkjurnar eru síðan 2 í Saurbæjarprestakalli. Sagt var, að séra Þorvaldi hefði fallið þungt að fara frá' Saurbæ og viljað heldur flytja í kirkjugarðinn, enda leið honum þar yfirleitt yel, enda þótt nokkuð mótdrægt kæmi lika fyrir hann, sem oft vill verða. Fimmtándi presturinn er séra Jón Benediktsson, vigðist aðstoðarprestur að Hvammi í Dölum. Var hann í Saurbæ i 14 ár. Var sonur séra Bene- dikts i Eydölum Þórarinssonar. Prestur að Söndum í Dýrafirði 1859, svo i Görðum á Akranesi 1865—1886. Lét af embætti 1900, fór að Stóra-Botni til Helga bónda sonar sins og dó þar 17. marz 1901. Séra Jón var lágur maður, en þrekinn, rammur að afli, klerkur dágóður, stilltur og hægur, nokkuð drykkfelldur á yngri árum. Hann byggði alls staðar þar, sem hann var: á Söndum baðstofu, í Görðum stórt steinhús, með ærnum tilkostnaði, en eigi að sama skapi vandað, enda vantaði þá kunnáttu í þeirri grein. Stendur steinhúsið enn, mannlaust, þvi að síðan 1925 eru Garðar á Akranesi í eyði, en mikið af Garðalandi hefir ver- ið tekið til ræktunar af Akurnesingum. 1 Saurbæ byggði hann timburhlöðu, sem enn stendur, er tekur um 500 hesta, fyrir fé, er prestakallinu tilheyrði, enn fremur timburibúðar- hús, með prestakallsláni til 20 ára; greiddi ég afborganir og rentur af láni þessu í 12 ár frá því séra Jón sagði af sér. Hús þetta var snoturt, en of lítið fyrir mig, en sá galli var a þvi, að það var frá byrjun trekk- fullt. Stóð það þar til í vor, að það var rifið og byggt steinhús. Séra Jón var bláfátækur á Akranesi, en efnaðist talsvert í Saurbæ og átti laglegt bú, og mun Bjarni sonur hans, er var mikill dugnaðarmaður, hafa átt góðan þátt í betri afkomu prestsins. Þau hjón urðu fyrir þeirri miklu raun að missa 3 börn sín uppkomin í Saurbæ, og 2 synir þeirra, sem eftir lifðu, éttu við heilsuleysi að striða, sérstaklega Bjarni, sem i fjöldamörg ár var mjög heilsuveill. Loks drukknaði hann í vognum inn af Hval- firði, þá búsettur í Beykjavík. Sonur hans er Jón Bjarnason kaupmaður hér í bæ. Helgi sonur séra Jóns bjó lengi á Stóra-Botni og var um skeið hreppstjóri. Sonur hans er Jón Helgason ritstjóri, skáldmæltur. Séra Jón var þrotinn að heilsu aldamótaárið 1900, er ég tók við stöðunm, og andaðist árið eftir. Jarðarför hans fór fram á laugardag fyrir páska 1901 og varð allsöguleg. Ég messaði að Leirá á föstudaginn langa

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.