Kirkjuritið - 01.10.1958, Blaðsíða 34

Kirkjuritið - 01.10.1958, Blaðsíða 34
368 X.IRKJUMTIB Hof, en áður hafði Ditlev Thomsen falað það, en þar sem hann bauð of litið í jörðina, varð eigi af kaupunum. Litlu eftir að ég kom, byggði ég ÍJtskálahamar með mjög vægu eftirgjaldi, þar sem landbúnaðarafurðir voru þá í lágu verði, en er sá bóndi féll frá og ekkja hans tók við bús- forráðum, stóð eftirgjaldið áfram við sama, en er sonur þeirra fékk jörð- ina, gat ég hækkað eftirgjaldið, en þó mjög hóflega, og var hann hinn ánægðasti, enda lét ég hann sitja fyrir öðrum, er lék hugur á jörðinni. Ég gat nú lagt fyrir árlega af vöxtum og lagði því 1 þús. kr. inn í Söfn- unarsjóð Islands, um sama leyti og ég lagði þar inn sömu upphæð fyrir Kambshólslegat. "ímsir bændur fengu lán úr legatinu, fyrst lengi vel með 4% vöxtum, en síðan með 5%. Gjafasjóðir þessir eru hin mestu hlunn- indi fyrir sóknina. Sextándi prestur frá Hallgrimi Péturssyni var ég, og mun ég þar fara fljótt yfir sögu. Vil aðeins geta þess, hvað ég gerði þar. Árið 1913 lét ég gera allmiklar endurbætur á ibúðarhúsinu, mála það, járnklæða norðurhlið og vesturgafl. Kostaði sú aðgerð full 1 þús. kr. Einnig 1927. Loks setja miðstöð í húsið 2 árum áður en ég fór. Séra Jón Benediktsson taldi, að 200 hestburðir fengjust af túninu; lét ég síðan slétta og græða út, svo að af því fengust fullir 400 hestar. Fjós endurbætti ég og stækk- aði fyrir 15 nautgripi. Stækkaði fénaðarhús og endurbætti, hvort tveggja undir járnþaki. Vatnsleiðslu i bæ, fjós og fjérhús úr Hallgrímslind, 180 feta langa. Haughús og áburðargeymsluhús, votheystóft, fjölgaði kálgörðum, gerði vatnsveituskurði i engjar. Skiptu þessar umbætur mörgum þús. króna. Ræsti fram nokkur hættuleg dý í landareigninni. Girðingu um túnið, girðingu fyrir ferðamannahesta, girðingu fyrir tamin hross, eða í Svínadal fyrir stóðhross, loks lét ég girða megnið af landareigninni. Skilaði þannig staðnum mun betri en ég tók við honum. Allar þessar endurbætur gerði ég fyrir mina eigin peninga, án þess að fá styrk eða lán af opinberu fé. Að öðru leyti er ekki starf mitt að leggja dóm á starfsemi mína þau 32 ár, sem ég var prestur í Saurbæ. Einar Thorlacius.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.