Kirkjuritið - 01.10.1958, Blaðsíða 46

380
KIRK JURITIÐ
hjónum, frú Sigrúnu Ingólfsdóttur og Kristjáni Karlssyni, mjög til sóma.
Og einnig matreiðslukonunni, frú Rósu Stefánsdóttur. J. Þ. B.
llrnularholtskirkju lOO árn. Sunnudaginn 15. júni s. 1. var
fjölmenni saman komið við Brautarholtskirkju á Kjalarnesi, þar sem
haldið var hátiðlegt aldarafmæli kirkjunnar. Biskupinn, herra Ásmundur
Guðmundsson, prédikaði í kirkjunni, og þjónaði hann ásamt sr. Garðari
Þorsteinssyni prófasti fyrir altari eftir prédikun. Sóknarpresturinn, séra
Bjarni Sigurðsson á Mosfelli, talaði og í kirkjunni. Þar rakti hann i
stuttu máli sögu Brautarholtskirkju og gat þeirra presta, sem þjónað hafa
við hana siðastliðna öld. Nýstofnaður kirkjukór undir stjórn Gísla Jóns-
sonar í Arnarholti annaðist söng við þessa hátíðlegu athöfn.
Eftir messu bauð sóknarnefnd kirkjugestum til kaffidrykkju að Klé-
bergi. Voru þar rausnarlegar veitingar fram reiddar, mikið sungið og
margar ræður fluttar, en hófinu tsýrði formaður sóknarnefndar, Ólafur
Bjarnason í Brautarholti.
Ekki er fullkunnugt um, hvenær Brautarholtskirkja hefir verið vigð.
Af heimildum sést þó, að hún hefir verið fullgjörð á ofanverðu ári 1857
eða öndverðu ári 1858. Kirkjunni hefir ekki verið breytt verulega síðan,
en mun jafnan hafa verið vel við haldið.
Kirkjusmiður var Eyjólfur Þorvaldsson, er skömmu seinna fluttist að
Bakka á Kjalarnesi, en þar búa nú sonarsonarsynir hans. Eyjólfur smið-
aði 4 kirkjur, og standa Þingvallakirkja og Úlfljótsvatnskirkja enn, auk
Brautarholtskirkju.
Fyrstur þjónaði við nýju kirkjuna séra Helgi Hálfdanarson, siðar presta-
skólakennari. Auk hans hafa 10 prestar þjónað við kirkjuna lengri eða
skemmri tíma. Má þar til nefna skáldmæringinn séra Matthias Jochums-
son, sem vígðist til Kjalarnessþinga vorið 1867 og þjónaði þar til hausts
1873. Hann bjó sem kunnugt er að Móum. Séra Hálfdan Helgason pró-
fastur að Mosfelli, sonarsonur séra Helga, þjónaði við kirkjuna lengur en
nokkur annar eða um 30 ára skeið.
Sem fyrr segir, hefir kirkjunni ekki verið breytt í neinu verulegu,
en viðhald verið gott. Nú seinustu misseri hefir gagngjörð endurbót far-
ið fram. Steyptur hefir verið undir hana nýr grunnur og burðarviðir
endurnýjaðir. Hún hefir verið máluð smekklega i hólf og gólf og ný
rafhitun sett upp. Þá hefir hún verið klædd nýju jámi, svo að nokkuð
sé nefnt. Girðing um grafreit hefir verið endurnýjuð og nýtt sáluhlið
smíðað. öll þessi vinna er vönduð og vel af hendi leyst, enda er kirkjan
traust og hlýlegt hús.