Kirkjuritið - 01.01.1959, Síða 23

Heimurinn þarf fyrst og fremst
kristindóms við.
Viðtal við tlr. Pál ísólfsson tónskáld.
(Dr. Páll Isólfsson hefir verið
þjóðkunnur um áratugi, enda einn
af fremstu organleikurum samtím-
ans og gott tónskáld. Þar að auki
verið organisti við Fríkirkjuna í
Reykjavík í 13 ár, en siðustu 20 ár-
in við Dómkirkjuna. Tónlistarráðu-
nautur Otvarpsins og stjórnandi
hins fræga „Þjóðkórs". Skólastjóri
Tónlistarskólans lengst af. Hann er
fæddur 12. okt. 1893 á Stokkseyri,
sonur Isólfs Pálssonar organleikara
þar og konu hans Þuriðar Einars-
dóttur. Hafa margir frændur hans
fyrr og síðar verið kirkjuorgan-
leikarar. Nam tónlist og organleik
í Leipzig í fimm ár og var þar um
skeið aðstoðarmaður próf. Straube
við Skt. Thomaskirkjuna. Hefir
haldið fjölda tónleika utan lands
og innan. Samið mörg smærri og
stærri tónverk, m. a. Alþingishátíð-
arkantötu 1930. Doktor við Óslóar-
háskóla. - Dr. Páll Isólfsson nýtur,
sem kunnugt er, mikilla vinsælda
og virðingar um land allt, enda
hefir hann löngum farið fremstur
og borið merkið hæst á sínum vett-
vangi. Nafn hans verður lengi uppi.
— G.Á.)
Kirkjuritið lagði eftirfarandi spurningar fyrir dr. Pál:
1. Varst þú ekki ungur, þegar þú fórst aö sækja kirkju, og hvaö
varstu ganmll, þegar þú lékst fyrst viö guðsþjónustu? Og
hvar?
Já, mjög ungur. Ég held ég hafi verið 10 ára, þegar ég lék
fyrst í Stokkseyrarkirkju, en þar var faðir minn organ-
leikari.
2