Kirkjuritið - 01.01.1959, Qupperneq 35

Séra Jósef Jónsson sjötugur.
Á aðfangadag jóla varð séra
Jósef Jónsson á Setbergi og fyrrv.
prófastur Snæfellsnessprófasts-
dæmi, sjötugur.
Árið 1934, er ég kom hingað á
Snæfellsnes, var hann skipaður
prófastur okkar.
Sem búandi prestur sat séra
Jósef jörð sína með myndarlegum
ágætisbrag, enda góður búmaður.
Mun Setberg lengi verða þögull
vottur hans hlýju og hollu hand-
taka, túnræktunarmannsins og
landnemans.
Snæfellingar lærðu fljótt að meta
hann og fólu honum margvísleg störf. Varð hann þegar mikill
atkvæðamaður og eftirtektarverður í héraði, skapfastur og ekki
hálfvolgur í neinu. Sem embættismaður hefir hann jafnan ver-
ið mjög skyldurækinn og nákvæmur, svo að hann má ekki
vamm sitt vita í neinu, strangur, ef nauðsyn krafði, en annars
Ijúfur og blíður, einlægur, hreinskilinn og hollráður. Jafnan
hefir hann verið í miklu áliti sem prestur og prédikari, en drýgst-
ur hygg ég þó hann hafi reynzt sem sálusorgari og engum kær-
komnari en þeim, sem bágt áttu. Hann gleymdi aldrei hinum
aldurhnignu, er sátu úti í horninu, ekki heldur hinum sjúku
eða sorgbitnu, né þeim, er áttu í sálarstríði.
Fyrir nokkrum árum lét séra Jósef af embætti og hefir búið
1 Feykjavík síðan. Ennþá er hans samt jafnan minnzt af okk-
ur Snæfellingum sem heimamanns, því að hann á sér enn
^argt ágætra vina um allt héraðið.
Kvæntur er hann frú Hólmfríði Halldórsdóttur Jónssonar
Séra Jósef Jónsson