Kirkjuritið - 01.06.1959, Page 46

Imilcndar frciíir
Séra Helgi Konráðsson prófastur á Sauðárkróki andaðist 30. júní.
Hans verður minnst síðar.
Séra Birgir Snœbjörnsson á Æsustööum hefur fengið veitingu
fyrir Laufásprestakalli. Var hann löglega kosinn.
Frá Húsavíkursöfnuöi. Turn Húsavíkurkirkju hefir hlotið gagn-
gera aðgerð. Um lóð kirkjunnar hefir verið sett ný girðing á tvo
vegu, og mjög til vandað. Lóðin hefir verið sléttuð og lögð út í gang-
stíga og gróðurreiti fyrir blóm og tré, og hefir þegar mikil gróður-
setning átt sér stað. öll þessi vinna, þ. e útlagningin (Arnviður) og
gróðursetning og umhirða (Sigurður Gunnarsson) hefir verið unn-
in ókeypis. Hér má vænta fagurrar vinjar fyrr en varir. Kirkjuhlaðið
hefir verið hellulagt og allt til bakdyra. Grasbeðin tvö fyrir framan
kirkjuna verða sumarblómareitir, þegar búfé hættir að vera á rölti
um bæinn. Verið er að ljúka við vatnslögn í kirkjuna og snyrtiklefa
í kjallara, þar sem áður var upphitunartæki
Önnur af tveim ákvörðunum, er sóknarnefndinni þótti rétt að gera
i sambandi við 50 ára vígsluafmæli kirkjunnar, var sú, að stofna
skyldi Æskulýðsfélag Húsavíkurkirkju. Lengi hefir verið til þess
fundið, að þetta bar að gera. Skilningurinn á nauðsyn þess, að kirkj-
an starfi með ungmennunum eftir fermingaraldur, er nú að ná tök-
um um allt land., Það, sem þegar hefir verið skipulagt og unnið,
virðist hafa gefizt vel. Það kemur í ljós, sem ýmsir höfðu efað, að
margt ungt fólk vill gjarna hlíta þannig leiðbeiningum kirkju sinnar
og starfa fyrir hana — kærir sig ekki um, þótt freistandi sé, að gefa
sig á vald taumleysi aldarfarsins, sem vaðið hefir uppi um skeið og
siðiaus gróðahyggja í mörgum myndum elur á af öllum kröftum.
Æskulýðsfélag Húsavíkurkirkju var stofnað síðastl. 8. febr. Sex-
tán af ungmennum þeim, er séra Lárus Halldórsson fermdi hér s. 1.
vor, gáfu sig fram til félagsstofnunarinnar. Meiri hluti þeirra hef-
ir síðan komið á heimili sóknarprestsins hálfsmánaðarlega, stutta
stund í einu, og rætt frjálslega um trúarleg og kirkjuleg efni. Auk
þess hafa ungmennin notið tilsagnar í ljósmyndagerð hjá Óla P-
Kristjánssyni og í bastföndri (körfugerð) hjá frú Ástu Jónsdóttur.
Félagið fer hægt af stað, enda viðhlítandi aðstaða til slíkra félags-
starfa ekki ennþá fyrir hendi. Von um aðstöðu er fyrst um sinn
bundin við hið nýja barnaskólahús. Fullnaðarlausnin er engin önnur
en sú, að söfnuðurinn eignist — og það sem allra fyrst — sitt eigið
samkomuhús, eða a. m. k. samkomusal, fyrir æskulýðsstarf, söngæf-
ingar, barnaspurningar, smærri samkomur, fundi o. s. frv. Söfnuðin-