Kirkjuritið - 01.10.1959, Blaðsíða 16

350
KIRKJURITIÐ
Fyrir mig er það því ánægjulegra að flytja honum þessar
einföldu kveðjur, sem ég hefi haft af honum mikil kynni og
góð nú í hartnær 15 ár, og þau kynni hafa fært mér heim
sanninn um það, hvílíkur ágætismaður hann er á alla grein.
Að ýmsum hlutum höfum við átt samstarf heima í héraði okk-
ar, Eyjafirði, og ég er stoltur af því að mega telja hann meðal
vina minna.
Norðlendingum öllum vildi ég geta flutt heillaóskir af þessu
tilefni, og ekki hvað sízt yður, ágætum þjónum kirkjunnar, sem
hér eruð saman komnir.
Með engum hætti vil ég særa yfirlætisleysi hins nývígða bisk-
ups með því að bera hann lofi, svo sem réttmætt væri og þeir
vita gerzt, sem þekkja hann bezt. Ég vil einungis láta í ljós þá
skoðun mína og sannfæringu, að hér hafi valizt í vandasamt
virðingarstarf maður, sem kristinni kirkju er mikill ávinningur
að til þess skyldi veljast. Taki þó enginn orð mín svo, að ekki
séu margir ágætismenn aðrir meðal norðlenzkra presta. Svo er
Guði fyrir að þakka, að meðal norðlenzkra þjóna kirkjunnar
er mikið mannval.
Hér að Hólum í Hjaltadal hefir gerzt mikil saga á liðnum
öldum. Fer ekki hjá því, að slíkt sé ofarlega í huga, þegar vér
erum hér stödd. Hér hefir verið biskupssetur lengstaf í kristn-
um sið á íslandi, eða í hartnær 700 ár, og skóli var hér löngum.
Mörg nöfn, sem skráð eru skýru letri á spjöld sögunnar, eru
við þennan stað tengd. Hér var prentverk á þriðja hundrað ár
og lengstaf þeim tíma hið eina, sem til var á landi hér. Hér
var þannig uppspretta hins prentaða máls, sem dreift var um
landið og olli aldahvörfum. Hinar fyrstu Biblíur þrjár, sem
prentaðar voru hér á landi, þ. e. Guðbrandar, Þorláks og Steins,
eru úr Hólaprenti. Ekki hæfir, að ég rif ji upp sögu Hólastaðar.
Til þess er ekki tækifæri nú, enda aðrir betur til fallnir að segja
þá sögu. En það er staðreynd, að það var örbyrgð landsins,
sem því olli, að hér hélzt ekki biskupsstóll.
Fólksfjöldinn í landinu var aðeins fáir tugir þúsunda og efna-
hagur allur eftir því. En á þessu hefir orðið mikil breyting og
góð. Ef svo heldur fram sem nú horfir, líða ekki mjög margir
áratugir þar til íbúar lands vors verða nokkur hundruð þúsund.
Þá mundi ekki geta talizt ofrausn þó að biskupsstólarnir
fornu yrðu endurreistir. Það er spá mín, að svo muni verða