Kirkjuritið - 01.05.1960, Blaðsíða 6
196
KIRKJURITIÐ
— Við vorum seinir til matar, en ég var svo heppinn, að
við náðum í sérstakt borð í kjallaranum eða réttara sagt neðri
hæðinni, og voru þar einnig kona Niemöllers og sonur, við-
íelldið og ljúfmannlegt fólk.
Talið barst fyrst að hlutverki kirkjunnar í sambandi við
heimsfriðinn. Ég spurði Niemöller, hvað hann teldi, að kirkjan
sem heild, gæti, að hans áliti, gert til þess að varðveita heims-
friðinn, — hvort um nokkra sérstaka framkvæmd gæti verið
að ræða.
Niemöller vitnaði til ýmissa yfirlýsinga og greinargerða, sem
fram hefðu komið á heimsþingum kirkjunnar, en sagði, að ef
um sérstakar framkvæmdir ætti að vera að ræða, hefði hann
mesta trú á kirkjulegri hjálparstarfsemi og sameiginlegu æsku-
lýðsstarfi í ýmsum löndum, verklegum átökum til uppbygging-
ar þar sem þjóðir voru illa staddar eða aftur úr. Slíkt starf er
og á að vera alþjóðlegt, án tillits til þess, hvort þeir, sem ávaxt-
anna njóta, eru kristnir eða ekki kristnir, hvort þeir tilheyra
austri eða vestri. Þetta er hægt að gera í nafni kirkjunnar aZZr-
ar. Við tilheyrum samfélagi, og verðum að lifa saman og hjálp-
ast að. Kirkjan safnar t. d. milljónum, — vill hún nota þetta
fé til heilla fyrir aðra en sjálfa sig?
— Er kirkjan fær um að lýsa yfir sérstakri stefnuskrá í
sambandi við lausn heimsmálanna?
Hún er ekki fær um það enn sem komið er að setja upp sér-
staka ácetlun (program), en ætti að geta gert það eftir tíu ár.
— Hvað um afvopnunarmálin ?
Mínar eigin skoðanir eru þær, svaraði Niemöller, að fram-
kvæma ætti 100% afvopnun, algert afnám vopna, en slíkt er
ekki unnt enn sem komið er, og þess vegna verður að keppa
að því „svo langt sem auðið er“ á hverri stund. Til þessa þarf
samvinnu milli austurs og vesturs. Eftirlitið ætti að vera í hönd-
um Sameinuðu þjóðanna, en þá yrði einnig að gera ráð fynr
því, að öll ríki veraldar fái að vera með og skuldbindi sig til
að hlíta eftirliti og forsjá Sameinuðu þjóðanna í þessum mál-
um. Allur her yrði þá niður lagður, nema nokkurt „lögreglU'
lið“ undir stjórn Sameinuðu þjóðanna.
— Hvaða mótbárur koma helzt fram af hálfu andstæðinga
yðar í þessu máli?
Þær eru helzt í þá átt, að það hljóti alltaf að verða stríð,