Kirkjuritið


Kirkjuritið - 01.11.1960, Blaðsíða 21

Kirkjuritið - 01.11.1960, Blaðsíða 21
KIRKJURITIÐ 403 prófi, hvort kirkjugangan sé ekki fyrirhafnarinnar verð, af því að hún lyfti huganum og friði sálina í öllu háreisti og eirðar- leysi dagsins. Bnn um útvarp og kirkju. Það situr við það sama og áður, að messum er útvarpað á þeim dagstímanum, sem meinar flestum að hlusta á þær og sérstaklega þeim, sem alls ekki geta til kirkju komið, eins og ég benti á í síðasta hefti. Ekki er nú von, að allur almenningur telji oss prestana mjög áhugasama og brennandi í andanum, fyrst vér látum leika oss þannig eða sýnum slíkt tómlæti varð- andi það, hvort boðskapur vor nær til fárra eða margra, En þar kemur samt, að þetta verður lagfært. Kirkjan má ekki við öðru. Ég bendi hér líka á annað atriði í sambandi við útvarpsguðs- þjónusturnar. Ibsen segir í Konungsefnum, að íslendingum sé gefin blygðun sálarinnar. Þeim sé ekki tamara að tala um sín helgustu einkamál en klæða sig úr fötunum á almannafæri, þegar þeir gangi til lauga. En afsönnum vér þetta ekki, þegar vér látum útvarpa sakramentunum? Eru ekki skírn og kveld- máltíð helgar einkaathafnir, en hvorki sýningaratriði né aug- lýsingastarfsemi? Hverja varðar um það á bifreiðaverkstæðum, 1 strætisvögnum, í skipsmatsal eða á gosdrykkjaknæpu t. d., hvort einhver ber barn sitt til skírnar eða krýpur við kveldmál- tíð Drottins, á tilteknum stað og stundu. Og hver hlustar eftir þvílíku aimennt talað með því hugarfari, að hann taki lifandi hátt í athöfninni á andlegan hátt.. Frekar kann að vera, að það sé haft að spotti. Kirkjustjórnin á ekki að líða þess háttar út- varp. Áhætta misskilningsins og blátt áfram skemmdarinnar er svo miklu meiri en sú von, að það sé einhverjum til sálu- bótar. Hér er verið að afklæða sig á almannafæri. &vað eiga þeir í vonum? Afríka er að brjóta af sér nýlendufjötrana. Fleiri og fleiri Pjóðir krefjast þar frelsis og fá það á pappírnum og í orði kveðnu a. m. k. Það sorglega er, að margar þeirra snúast nú, Pegar þær þora það, öndverðar gegn hinum „kristnu þjóðum".

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.