Kirkjuritið - 01.11.1960, Síða 24

Ölafur Ólafsson prófastur í Hjarðarholti
og frú Ingibjörg Pálsdóttir.
Aldarminning.
Ólafur Ólafsson fæddist í Hafnarfirði 23. ágúst 1860. For-
eldrar hans voru hjónin Ólafur Jónsson kaupmaður þar (fædd-
ur 16. febr. 1832, dáinn 23. marz 1882) og Metta Kristín (fædd
14. nóv. 1841, dáin 22. maí 1915). Hún var dóttir Ólafs hrepp-
stjóra í Hafnarfirði.
Ólafur Ólafsson varð stúdent frá menntaskólanum í Reykja-
vík 1883, en brautskráðist úr prestaskólanum árið 1185. Hinn
4. sept. sama ár var honum veittur Lundur í Lundarreykjadal
og vígður þann 6. sama mánaðar. Hinn 11. sept. 1885 kvæntist
hann Ingibjörgu Pálsdóttur (fædd 17. jan. 1855) Mathiesens
síðast prests í Arnarbæli í Ölfusi (f. 15. apríl 1811, d. 9. febr.
1880). Kona séra Páls og móðir Ingibjargar var Guðlaug (f-
20. okt. 1812, d. 3. ágúst 1872) Þorsteinsdóttir bónda í Núpa-
koti undir Eyjafjöllum Magnússonar.
Meginhlunnindi sveitapresta fyrrum voru þau, að þeim var
íengin bólfesta á miklum kostajörðum. En að sjálfsögðu fór
það mjög eftir ráðdeild prestshjónanna og búhyggindum, hvern-
ig til tókst um búskapinn og þar með efnahagsafkomu. Fyrir
ungan prest, sem alizt hafði upp í kaupstað og við gagnólík
lífsskilyrði sveitabóndans, hlutu slík umskipti að reyna mjög
á þolrifin og verða mikil prófraun. —
Bærinn Lundur stendur neðan til um miðjan Lundarreykja-
dal norðan megin Grímsár, en hún rennur eftir endilöngum
dalnum og deilir löndum. Er neðar dregur í dalinn, líður hún
áfram, breið, tær og lygn með veiðisælum hyljum, sem að sumr-
inu til auka oft á búsæld þeirra býla, sem rétt hafa til að draga
þar á land spegilgljáandi og spræka laxa. En auk þess er am
höfuðprýði sveitarinnar. Lundur þótti glæsileg bújörð, stórt tun